«Հայաստանի գլխին սև մութ ամպեր են կուտակվում։ Ավելի ճիշտ՝ կուտակում են»․ Հրանտ Բագրատյան

 

ՀՀ նախկին  վարչապետ  Հրանտ  Բագրատյանը  ֆեյսբուքյան իր էջում գրում է․ «Հայաստանի գլխին սև մութ ամպեր են կուտակվում։ Ավելի ճիշտ՝ կուտակում են։ Իշխանությունները, բնավորության համաձայն, խաղեր են տալիս մերթ Արևմուտքի, մերթ ՌԴ հետ։

Հետևեք մեզ Տելեգրամում՝ t.me/lurer4news

Մայիսը կարելի է համարել Արևմուտքի միամսյակ։

Նախ, անհաջող եռակողմ հանդիպում Բրյուսելում Ալիևի մասնակցությամբ։ Արցախի հանրապետության մասին ոչ մի խոսք, կցկտուր ակնարկներ կուլտուր ավտոնոմիայի ուղղությամբ։ Սա, ի դեպ, ի գիտություն եվրամետներին։

Այնուհետև ՀՀ Նախագահը Դավոսում հանդիպում է ՌԴ թշնամի երկրների նախագահներին (Լեհաստան, Լիտվա, Լատվիա, Էստոնիա), հրավիրում նրանց Հայաստան։ Ի՞նչ գործ ունես։ Դիտավորյա՞լ ես անում, թե» ուրիշ մեկին չես գտնում, որ քեզ հետ հանդիպի։

Հետևեք մեզ Տելեգրամում՝ t.me/lurer4news

Այս ամենի զարդը ԿԲ նախագահ Մարտին Գալստյանը դարձավ։

Երեկ հայտնի դարձավ, որ նրա ղեկավարած հիմնարկը ՀՀ ֆոնդային բորսայի 65%-ը վաճառել է լեհերին։ Սա, ենթադրում եմ, իսպառ կվերացնի ռուսական, չինական ու իրանական ընկերությունների ցուցարկումը հետայսու։

Մինչդեռ այդ 3 երկրների հետ ՀՀ տնտեսական կապերի 50%-ն ունենք։

Մ.Գալստյանի մյուս «քաջագործությունը» դրամի արժևորումն է. նա պարզապես չի չեզոքացնում արտարժույթի ժամանակավոր բնույթ ունեցող դրական հոսքերը։ Արդյունքում՝ տնտեսական շարունակվող լճացում։ Իրոք, ոչ մի լավ բան չի երևում»։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով