Այսօր՝ ապրիլի 17-ին, խոշոր ու ողբերգական ավտովթար է տեղի ունեցել Արագածոտնի մարզում:Այս մասին տեղեկացնում է shamshyan.com-ը;
Ժամը 17:20-ի սահմաններում, Երևան-Գյումրի ավտոճանապարհի 76 կմ հատվածում, Մաստարա գյուղի սկզբնամասում, ճակատ-ճակատի բախվել են Mercedes և ՎԱԶ-2106 մակնիշի ավտոմեքենաները:
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 1 հոգի տեղում մահացել է, 5 հոգի մարմնական վնասվածքներով տեղափոխվել են. 2-ը՝ Թալինի բժշկական կենտրոն, 3-ն էլ՝ Երևանի «Աստղիկ» բժշկական կենտրոն:
***
Քիչ առաջ ՃՈ 2-րդ սպայական գումարտակի 2-րդ վաշտի 1-ին դասակի ավագ տեսուչներ Գևորգ Սիմոնյանն ու Նարեկ Ինջիղուլյանը դեպքի վայրում հայտնաբերել են ՎԱԶ-2115 ավտոմեքենա, որը կայանված է ճանապարհի թույլատրելի հատվածում, որը Գյումրի ընթանալիս է եղել, երբ 06-ը՝ դեպի Երևան ընթանալիս, դուրս է եկել հանդիպակած գոտի, բախվել Lada-ին և առաջ ընթանալով, բախվել Mercedes-ին:
Lada-ի վարորդն ու նրա ուղևորները, ովքեր ընտանիքի անդամներ են եղել, բարեբախտաբար չեն տուժել և մինչ փրկարարների ժամանումը հենց իրենք են վիրավորներին առաջինը օգնությունը ցուցաբերել:
