Պետք չի հիմա խորանալ, թե լրատվամիջոցների էջերում որ ակցիայի մասին որ գրառման տակ ինչ քլնգող, հայհոյախառը մեկնաբանություններ կան.Կարեն Վրթանեսյան

Պետք չի հիմա խորանալ, թե լրատվամիջոցների էջերում որ ակցիայի մասին որ գրառման տակ ինչ քլնգող, հայհոյախառը մեկնաբանություններ կան։Այս մասին  ֆեյսբուքի  իր  էջում  գրառում է  արել  ռազմական փորձագետ  Կարեն Վրթանեսյանը:

Ավելին՝ մի՛ վախեցեք ձեր մտքերն արտահայտել գրառումներով ու կտեսնեք, թե ինչքան մարդ կա ձեզ կարդացող, որ համակարծիք է, բայց լռում էր՝ վախենալով ֆեյքագրոհներից։
Ագրեսիվ մեկնաբանությունների մեծ մասը գեներացնում են իշխանական շահերը սպասարկող ֆեյքերի ֆաբրիկաները կամ էլ իշխանությունների հետ կապված մարդիկ (վճարովի և անվճար)։
Իրենց նպատակը պարզ է՝ ձեզ լռեցնել, ձեզ հետ պահել գործողություններից, տպավորություն ստեղծել, թե ճիշտը լռելն է, իսկ Արցախը ոչ ոքին պետք չի ևն, ևն։
«Էդ դրոշը բա խի Հադրութում չեք դնում» կամ «Սա արդեն որոշված ա, մենք ի՞նչ կարող ենք անել» տիպի ապուշությունները միտումնավոր են գեներացվում և տարածվում են նիկոլական «կիբերասքյարների» ցանցերով։
Մենք մեր ասելիքը պիտի ասենք, անելիքը պիտի անենք առանց այդ վնգստոցների վրա ուշադրություն դարձնելու։
ԿԱՐԵՎՈՐ. Խնդրում եմ այս միտքը հասցնել հնարավորինս շատ մարդկանց։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով