Նորմալ իշխանություն ունենալու դեպքում ռազմավարական դաշնակից երկրի ղեկավարի հետ հանդիպումից ակնկալիքները մեծ կլինեին.Աշոտյանը`Պուտին-Փաշինյան հանդիպման մասին

Ավարտվեց Նիկոլի հանդիպումը Ռուսաստանի նախագահ Վլադիմիր Պուտինի հետ, որի արդյունքում ստորագրվեց ծավալուն համատեղ հայտարարություն։։Ֆեյսբուքյան իր  էջում  գրում է  ՀՀԿ  ԳՄ  անդամ    Արմեն  Աշոտյանը:
 
Նորմալ իշխանություն ունենալու դեպքում ռազմավարական դաշնակից երկրի ղեկավարի հետ հանդիպումից ակնկալիքները մեծ կլինեին։
Ցավոք, հայկական կողմը ներկայացնող անձն անգամ իր երկրի ներսում ունակ չէ կամ չունի ցանկություն սթափ շեշտադրելու ազգային խնդիրների իրական օրակարգ, ուստի պատահական չէ, որ անգամ Հայաստանի համար կենսական նշանակություն ունեցող երկրի հետ նա չկարողացավ կամ չցանկացավ առաջ մղել համայն հայության գերակայությունը՝ Արցախի ապագայի հարցը։
Համատեղ հայտարարության մեջ, ավաղ, շեշտված չէ Լեռնային Ղարաբաղի ապագա կարգավիճակի, կոնֆլիկտի կարգավորման հիմնարար սկզբունքների, այդ թվում ՝ ինքնորոշման իրավունքի կարեւորությունը:
Սա է իմ ամենամեծ մտահոգությունը, թեպետ այդ թեզի բացակայությունը միջազգային հայտարարության մեջ, ցավոք սրտի, դեռեւս օրինաչափ է, քանի դեռ մեզ ներկայացնում է Արցախն աճուրդի հանած Նիկոլ Փաշինյանը:

Հետևեք մեզ Տելեգրամում՝ t.me/lurer4news

Թողնել պատասխան

Ձեր էլ-փոստի հասցեն չի հրապարակվելու։

4 × two =