Նիկոլ Փաշինյանը «քաղպուտանկա» բառի՞ց է վիրավորվել .«Հրապարակ»

«Հրապարակ» թերթը գրում է. «Հետաքննիչներն այցելել են «Հրապարակի» մեկնաբան Էդիկ Անդրեասյանի տուն` տեղեկացրել են, որ նրա ստատուսների հետ կապված քրեական գործ են հարուցել, հետո նաեւ հարցաքննության են կանչել` «Ծանր վիրավորանք» հոդվածով: «Ինձ հարցնում է՝ ի՞նչ նկատի ունես էդ բառն ասելով (քաղպուտանկա): Ասում եմ՝ ոչ մի բառարանում էդ բառը չկա, ես դա ասելով նկատի ունեմ քաղաքական գործունեությունը: Երկրորդն էլ՝ «Նիկոլ» բառը ես գրել եմ փոքրատառ… նկատի ունեմ այն, որ ինքն իր քաղաքական գործունեությամբ նպաստել է նրան, որ թուրքերը մտնեն Անդրկովկաս: Ի վերջո, ես հրապարակախոս եմ, գրող եմ, մեկնաբան եմ, ինձ թույլ չեմ տա մարդուն անձնական վիրավորանք հասցնել: Ես մեղադրանքը չեմ ընդունել»,- ասում է Էդիկ Անդրեասյանը:

 

Հետևեք մեզ Տելեգրամում՝ t.me/lurer4news

Այսինքն, ՔՊ-ական պատգամավոր Վահագն Ալեքսանյանին կարելի է լրագրողների հասցեին ասել «վերբալ մարմնավաճառ», Նիկոլ Փաշինյանի հասցեին չի կարելի ասել «քաղպուտանկա»: Եւ որտեղից է հայտնի քննիչներին, որ Նիկոլ Փաշինյանն այդ բառից վիրավորվել է` նա դիմում չի գրել, նրան տուժող չեն ճանաչել: Բոլորի, այդ թվում միջազգային կառույցների կողմից քննադատված այդ հոդվածով նախաքննության մարմինն ինքն է որոշում, թե որն է վիրավորանք եւ «վիրավորվում է» պաշտոնյայի փոխարեն: Ինչ-որ տարօրինակ արդարադատություն է ստացվում` միակողմանի եւ խիստ սուբյեկտիվ»:

 

Առավել մանրամասն՝ թերթի այսօրվա համարում

Հետևեք մեզ Տելեգրամում՝ t.me/lurer4news

 

 

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով