Կանգնած ենք օրհասական մարտահրավերների առաջ․ Արման Թաթոյան

ՀՀ նախկին ՄԻՊ Արման Թաթոյանը երկրում ստեղծված իրավիճակը հանրության հետ քննարկելու նախաձեռնությամբ է հանդես եկել։ Կառավարման խորքային խնդիրների, անվտանգությանը վերաբերող հարցերի շուրջ հանրային քննարկումը տեղի է ունենալու վաղը՝ Երևանի Մարտիրոս Սարյանի անվան պուրակում։

«Սիրելի հայրենակիցներ, մենք բոլորս կանգնած ենք օրհասական մարտահրավերների առաջ՝ սկսած երկրի կառավարման խորքային խնդիրներից մինչև անվտանգության հարցեր:

Նախաձեռնում եմ այս թեմաներով հանրային քննարկում վաղը՝ 2022թ. ապրիլի 30-ին, ժամը 16։00-ին, որը տեղի կունենա Երևանի Մարտիրոս Սարյանի անվան պուրակում:

Սիրով ձեզ հրավիրում եմ՝ միասին քննարկելու համար այս մարտահրավերները, խնդիրները և լուծումները:

Շնորհակալություն հրավերն ընդունելու համար»,- գրել է Արման Թաթոյանը: