Ուզում եմ հիշեցնել, որ Հայաստանում շարունակում է կորոնավիրուսի մահերը մնալ շատ բարձր.Կարեն Ավագյան

Կարեն Ավագյանը   ֆեյսբուքյան իր  էջում գրել  է.

Խնդիրն այն չէ, որ առողջապահության նախարարն իրավաբան է: Խնդիրն այն է, որ եթե լավ իրավաբան լիներ, առողջապահության նախարար չէր լինի:
Առողջապահության ոլորտում իրականացվող սիրողական մակարդակի քաղաքականությունը ուղղակի կապված է նաև վերոգրյալ հանգամանքի հետ: Մասնագետների կարծիքը` ոչ իրավաբանների և ոչ էլ բժիշկների, հաշվի չառնելու հետևանքով էլ ունենք այս իրավիճակը: Հակասահմանադրական ակտեր, կանխարգելիչ ուշացած միջոցառումներ և անտերության մատնված համակարգ։
Հայաստանի առողջապահության պատասխանատուները մշտապես ուշացած են հետևում աշխարհում կորոնավիրուսի հետ կապված կանխարգելիչ ծրագրերին և միջոցառումներին: Օրինակ, Առողջապահության համաշխարհային կազմակերպությունը պարզել է, որ մի քանի շաբաթվա ընթացքում Եվրոպայի պոպուլացիայի կեսը կվարակվի օմիկրոն շտամով: Իսկ Հայաստանում չի լուծվել անգամ տրանսպորտում անհրաժեշտ պաշտպանության և կանխարգելման միջոցները: Էլ չեմ ասում, որ աշխարհում լայն թափով սկսվել է booster երրորդ դեղաչափի ընդունումը, որը միակ արդյունավետ ձևերից է օմիկրոնի դեմ պայքարում:
Ուզում եմ հիշեցնել, որ Հայաստանում շարունակում է կորոնավիրուսի մահերը մնալ շատ բարձր, մինչդեռ աշխարհի բազմաթիվ երկրներում մահերի և հիվանդացության հարաբերակցությունը կտրուկ նվազել է:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով