Նիկոլն ի զորու չէ ադեկվատ որոշումներ կայացնել.Պատրաստ պետք է լինենք իրավիճակի ցանկացած զարգացման.Զաքարյան

Ընթացող մարտական գործողություններով հակառակորդը ցանկանում է Քարվաճառի կողմից մխրճվել Հայաստանի Հանրապետության տարածք, տիրանալ մի շարք բարձունքների և հսկողության տակ վերցնել Գորիս-Սիսիան մայրուղին: Դա նրան հնարավորություն կտա դիտարկել նաև ՌԴ 102-րդ ռազմաբազայի Սյունիքի հենակետերից մեկը, որը հանդիսանում է Արցախում տեղակայված ՌԴ խաղաղարար առաքելությանը մատակարարման օղակներից մեկը:

 Այս մասին ֆեյսբուքյան  իր  էջում  գրառում է  արել Պաշտպանության նախկին փոխնախարար, ՀՀԿ անդամ  Արտակ  Զաքարյանը:

Նիկոլն ի զորու չէ ադեկվատ որոշումներ կայացնել: Իրավիճակը չհանդարտվելու և հակառակորդի ագրեսիվ ռազմական գործողությունների շարունակվելու դեպքում, ընդհուպ մինչև ռազմական դրության և մասնակի զորահավաքի անհրաժեշտություն կարող է առաջանալ: Դեռևս պարզ չէ, թե այլ հատվածներում ինչ գործողություններ է պլանավորվել հակառակորդի կողմից:
Պատրաստ պետք է լինենք իրավիճակի ցանկացած զարգացման:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով