«Ընդդիմության ընդդիմության» մեջ բազմաթիվ սրտացավ մարդիկ կան, բայցև կան պղտոր ջրի մեջ ձուկ որսացողներ.Աշոտյան

1. Այս ընդդիմությունը գնում էր ընտրությունների, որպեսզի իշխանություն վերցներ, խորհրդարանական այս ընդդիմությունը պատրաստ չէր ընդդիմություն լինելու ֆունկցիոնալ առումով, այս ընդդիմությունը դեռ չի տեղավորվել ընդդիմադիր գործունեության տրամաբանության, փիլիսոփայության, հոգեվիճակի և լոգիկայի մեջ:

2. Դաշինքները ստեղծվել են նախընտրական տրամաբանության մեջ։ Այսօր, լինելով ընդդիմություն, իրենք դեռ վերջնականապես իրենց չեն գտել և դա գործընթաց է:

3. Ընդդիմության մեջ գլոբալ կա իդեաների ճգնաժամ. մենք ունենք իդեաների, գործիքակազմի ու գուցե՝ դեմքերի ճգնաժամ:

4. Պետք չէ խորշել քննադատությունից. ընդդիմությունը չպետք է կորցնի լսելու ունակությունը, արտախորհրդարանական ընդդիմությունը չպետք է ձեռք բերի խրոնիկ մունաթ գալու բնավորություն:

5. «Ընդդիմության ընդդիմության» մեջ բազմաթիվ սրտացավ մարդիկ կան, բայցև կան պղտոր ջրի մեջ ձուկ որսացողներ։

6. Եթե որևէ մեկը դժգոհ է խորհրդարանական ընդդիմությունից, այդ թվում՝ իմ հարազատ կուսակցության պատգամավորներից՝ “делай лучше нас” -ի ժամանակն է: