Խոշոր ավտովթար Երևանում. բախվել են Kia Forte-ն ու Lexus-ը. վերջինս գլխիվայր շրջվել է. օպերատիվ են գործել փրկարարներն ու Երևանի գնդի պարեկները

 

shamshyan.com-ի  փոխանցմամբ  այսօր՝ սեպտեմբերի 3-ին, խոշոր ավտովթար է տեղի ունեցել Երևանում: Ժամը 18:10-ի սահմաններում Դավիթ Բեկի փողոցում բախվել են Կոտայքի մարզի բնակիչ, 56-ամյա Կարեն Մանուկյանի վարած Lexus GS 350 մակնիշի  90 QQ 999 համարանիշի և Երևանի բնակիչ, 44-ամյա Արման Ղասաբյանի վարած Kia Forte մակնիշի 96 GA 001համարանիշի  ավտոմեքենաները:

 

Ինչպես հայտնում է  ֆոտոլրագրող Գագիկ Շամշյանը, բախման հետևանքով Lexus-ը գլխիվայր շրջվել է: Ըստ նախնական տեղեկությունների՝ վթարի հետևանքով, բարեբախտաբար, տուժածներ չկան: Օպերատիվորեն դեպքի վայր են ժամանել ՀՀ ոստիկանության պարեկային ծառայության Երևանի գնդի 3-րդ գումարտակի ծառայողները՝ գումարտակի հրամանատարի տեղակալ Ալբերտ Հովհաննիսյանի գլխավորությամբ:

 

Պարեկների օպերատիվ և ճիշտ գործողությունների  արդյունքում հնարավոր է  եղել խուսափել խցանումից և այլ վթարներից, քանի որ եղել են դեպքեր, երբ հետաքրքրասեր վարորդները կայանում են ավտոմեքենաները դեպքի վայրում, ինչն էլ դառնում է մեկ այլ վթարի պատճառ:

 

Փրկարարները հոսանքազրկել են ավտոմեքենաները, փակել գազաբալոնն ու սահմանազատել տարածքը:

 

Փաստի առթիվ Երևանի գնդի պարեկային ծառայության  3-րդ գումարտակում նյութեր են նախապատրաստվում:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով