ՊԵԿ նախագահ Ռուստամ Բադասյանն ընդունել է Լատվիայի Հանրապետության պետական եկամուտների ծառայության հարկային և մաքսային ոստիկանության պատվիրակությանը

 

Քննարկվել են հարկային և մաքսային իրավախախտումների դեմ համատեղ պայքարի ծրագրեր

Հետևեք մեզ Տելեգրամում՝ t.me/lurer4news

 

Պետական եկամուտների կոմիտեի նախագահ Ռուստամ Բադասյանը սեպտեմբերի 14-ին հանդիպել է ՀՀ-ում երկօրյա աշխատանքային այցով գտնվող Լատվիայի Հանրապետության պետական եկամուտների ծառայության հարկային և մաքսային ոստիկանության պատվիրակության հետ:

Ռուստամ Բադասյանը կարևորել է երկու երկրների միջև առկա իրավապայմանագրային բազան, մասնավորապես՝ Հայաստանի Հանրապետության և Լատվիայի Հանրապետության կառավարությունների միջև մաքսային հարցերում փոխադարձ օգնության մասին համաձայնագիրը, Հայաստանի Հանրապետության և Լատվիայի Հանրապետության միջև եկամուտների և գույքի կրկնակի հարկումը բացառելու և հարկերի վճարումից խուսափելը կանխելու մասին կոնվենցիան, որոնք ստեղծում են բարենպաստ պայմաններ երկու երկրների լիազոր պետական մարմինների միջև փոխգործակցության ծավալման համար:

Հետևեք մեզ Տելեգրամում՝ t.me/lurer4news

Պատվիրակության անդամները, կարևորելով միջազգային երկկողմ և բազմակողմ գործակցությունը, ներկայացրել են համագործակցության շնորհիվ կազմակերպված հանցավորության և թմրամիջոցների ու հոգեմետ նյութերի ապօրինի շրջանառության դեմ պայքարի հաջողված օրինակներ:

Լատվիայի Հանրապետության պետական եկամուտների ծառայության հարկային և մաքսային ոստիկանության պատվիրակության անդամները կիսվել են նաև այցի ընթացքում ՊԵԿ մաքսանենգության դեմ պայքարի, քննչական, հետաքննության և օպերատիվ հետախուզության ու տեղեկատվական տեխնոլոգիաների վարչություններում աշխատանքային հանդիպումների տպավորություններով, որի ընթացքում տեղի է ունեցել փորձի արդյունավետ փոխանակում:

Զրուցակիցները մտքեր են փոխանակել երկու կառույցների միջև համագործակցության խորացմանն ուղղված անհրաժեշտ քայլերի իրականացման վերաբերյալ:

ՊԵԿ տեղեկատվության և հասարակայնության հետ կապերի բաժին

 

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով