Նույն արցախյան սցենարով, պատերազմի քողի տակ, ուժերի անհավասար պատճառաբանությամբ, կապիտուլյացիոն երկրորդ գործարքին են պատրաստվում, որով նիկոլը փորձելու է հանձնել նաև Հայաստանը.Գևորգ Գևորգյան

ադրբեջանը, թուրքիան և պակիստանը առաջին անգամ համատեղ զորավարժութուններ են անցկացնում ադրբեջանում։ Ավելին, հստակ վեկտորով՝ հատուկ նշանակության գործողություններ։Այս մասին ֆեյսբուքյան իր էջում գրառում է արել ռազմական,հասարակական գործիչ,Արցախյան պատերազմի ազատամարտիկ Գևորգ Գևորգյանը:

«Թշնամին Սյունիքի միջանցքը ռազմական ճանապարհով վերցնելու իմիտացիային է պատրաստվում, ի աջակցություն իրենց դրածոյի։ Իսկ ավելի հստակ, նույն արցախյան սցենարով, պատերազմի քողի տակ, ուժերի անհավասար պատճառաբանությամբ, կապիտուլյացիոն երկրորդ գործարքին են պատրաստվում, որով նիկոլը փորձելու է հանձնել նաև Հայաստանը։

Հիմա ժողովուրդը կամ պետք է ընդունի, որ ինքը լավագույն դեպքում թուրքի բատրակի կարգավիճակով է ապրելու, կամ պետք է պայքարի դուրս գա իր խաղաղ և բարեկեցիկ գոյության պահանջով՝ դուրս շպրտելով այս պետականակործաններին իշխանությունից:

Ուրիշ ճանապարհներ այլև չկան։»,-գրել է Գևորգյանը