Հայաստանի Հանրապետության քննչական կոմիտեի ինքնավար պաշտոն զբաղեցնող անձանց թեկնածությունների ցուցակը համալրելու համար անցկացվող գրավոր քննությունը տեղի կունենա 2021թ. սեպտեմբերի 17-ին, ժամը՝ 10:00-ին ՀՀ քննչական կոմիտեում /ք.Երևան, Մամիկոնյանց 46/5, հեռ.՝ 011-880-119,011-880-144, 011-880-146, 011-880-147/, Էլ.հասցե [email protected]:
Փաստաթղթերն ընդունվում են 2021թ. օգոստոսի 17-ից սեպտեմբերի 10-ը ներառյալ:
Գրավոր քննությանը մասնակցելու հայտեր կարող են ներկայացնել այն անձինք, ովքեր կներկայացնեն ներքոնշյալ փաստաթղթերը և միաժամանակ կբավարարեն «Հայաստանի Հանրապետության քննչական կոմիտեի մասին» ՀՀ օրենքի 18-րդ հոդվածի 10-րդ մասով սահմանված պահանջներին (ով ունի դատախազի, դատավորի, քննիչի, հետաքննության մարմնի պետի կամ աշխատակցի պաշտոնում կամ փաստաբանի 3 տարվա մասնագիտական աշխատանքի ստաժ, եթե չի անցել այդ պաշտոնը թողնելուց հետո 5 տարի կամ իրավաբանական գիտությունների դոկտոր է կամ իրավաբանական գիտությունների թեկնածու է և ունի իրավաբանի մասնագիտությամբ աշխատանքի 5 տարվա ստաժ):
Անհրաժեշտ փաստաթղթերի ցանկը.
– դիմում (ձև 1),
– կադրերի հաշվառման անձնական թերթ (լրացնել և տպել դիմերեսին և դարձերեսին) (ձև 2),
– ինքնակենսագրություն (ձև 3)` ըստ ստորև ներկայացված ձևաչափի՝ ձեռագիր գրված,
– 4X6 չափսի 2 լուսանկար՝ կանայք դասական հագուստով, տղամարդիք՝ փողկապ կոստյումով,
– անձնագրի, (անձնագրի բացակայության դեպքում տեղեկանք հաշվառման վայրից, իսկ բնակության և հաշվառման հասցեների տարբեր լինելու դեպքում նաև տեղեկանք փաստացի բնակության հասցեի վերաբերյալ), նույնականացման քարտի, սոց.քարտի (նույնականացման քարտի առկայության դեպքում պարտադիր չէ), պետական հավատարմագրված բարձրագույն իրավաբանական դիպլոմի կամ դիպլոմների և միջուկի, զին. գրքույկի, աշխատանքային գրքույկի պատճենները, իսկ աշխատանքային գրքույկի բացակայության դեպքում՝ տեղեկանք աշխատանքի վայրից՝ զբաղեցրած պաշտոնների վերաբերյալ, կամ պաշտոնի նշանակման, այլ պաշտոնի տեղափոխման և պաշտոնից ազատման հրամանների պատճեններ կամ քաղվածքներ,
– ՀՀ կառավարության 02.04.2015թ. թիվ 350-Ն որոշման հավելված 3-ով հաստատված ֆիզիկական արատների և հիվանդությունների բացակայության մասին տարածքային բուժ.հաստատությունից (ձև 4), հոգեբուժական և նարկոլոգիական դիսպանսերներից տեղեկանք,
– բնութագիր աշխատանքի կամ վերջին ուսումնական հաստատության վայրից:
Ծանոթություն՝ քննության հարցաշարը (ձև 5), մասնակցության դիմումի, կադրերի հաշվառման անձնական թերթիկի, ինքնակենսագրության ձևի և բժշկական տեղեկանքի ձևաթղթերը կցվում են.
Դիմումները ընդունվում են ամբողջական լրացված և ստորագրված: Փաստաթղթերը ներկայացնել ծրարավորված և գցել ՀՀ քննչական կոմիտեի կենտրոնական ապարատի վարչական շենքի 1-ին հարկում առկա փոստային արկղի մեջ, իսկ փաթեթներում անհրաժեշտ շտկումները կկատարվեն բացառելով անմիջական շփումը:
Դիմումների ոչ ամբողջական փաթեթներին ընթացք չի տրվելու:
Տվյալներ, որոնք պարտադիր են ինքնակենսագրության մեջ.
- անուն, հայրանուն, ազգանուն,
- ծննդյան օր, ամիս, տարեթիվ,
- կրթություն ( նշելով դպրոցի, բարձրագույն ուսումնական հաստատության անվանումը, դրանք ընդունվելու և ավարտելու տարեթվերը),
- ծառայությունը զինված ուժերում, կոչումը (եթե արական սեռի հավակնորդ է),
- աշխատանքային փորձ (կազմակերպությունների անվանումը, զբաղեցրած պաշտոններն՝ ըստ ժամանակագրության),
- ընտանեկան կարգավիճակ, փոխկապակցված անձանց տվյալները (կին/ամուսին, երեխաներ, ծնողներ, եղբայր, քույր), նշելով ծննդյան օր, ամիս, տարեթվերը և վերոնշյալ անձանց զբաղվածությունը,
- բնակության և հաշվառման հասցեն,
- ստորագրութուն և ամսաթիվ:
Քննության հարցաշար
Մասնակցության դիմումի ձև
Կադրերի հաշվառման անձնական թերթիկ
Ինքնակենսագրության ձև
Բժշկական տեղեկանքի ձևաթուղթ
