Արտակարգ դեպք՝ Երևանում. «Ծիրան» սուպերմարկետում վիճաբանությունն ավարտվել է դանակահարությամբ. կան վիրավորներ

 

 

Հետևեք մեզ Տելեգրամում՝ t.me/lurer4news

/shamshyan.com-ի  փոխանցմամբ այսօր՝ սեպտեմբերի 2-ին, արտակարգ դեպք է տեղի ունեցել Երևանում։ Ժամը 08։30-ի սահմաններում ոստիկանության Նոր Նորքի բաժին ահազանգ է ստացվել, որ Գայի պողոտա 10 հասցեում գործող «Ծիրան» սուպերմարկետում դանակահարված քաղաքացիներ կան։

Ինչպես դեպքի վայրից հայտնում է ֆոտոլրագրող Գագիկ Շամշյանը, դեպքի վայր է ժամանել ոստիկանության Երևան քաղաքի վարչության պետի ժամանակավոր պաշտոնակատար Արթուր Զաքարյանը, նույն վարչության քրեական հետախուզության բաժնի պետ Հովհաննես Արիստակեսյանը և Նոր Նորքի բաժնի օպերատիվ խումբը, ինչպես նաև նույն բաժնի հետաքննական բաժանմունքի հետաքննիչը։

Ժամանել են նաև ոստիկանության Երևան քաղաքի վարչության քրեական հետախուզության բաժնի ծառայողները։

Հետևեք մեզ Տելեգրամում՝ t.me/lurer4news

 

Ոստիկանները նշված վայրից 2 երիտասարդ տղաների, որոնց վրա կային արնանման հետքեր, տեղափոխեցին, ըստ դեպքի վայրում հավաքվածների, հիվանդանոց։  Խանութի ներսում հայտնաբերվել են արնանման հետքեր, և՝ խառնաշփոթ վիճակ. գետնին թափված էին խանութի ապրանքները։  Ըստ դեպքի վայրում հավաքվածների՝ այդ 2 քաղաքացիների և խանութի աշխատակցի միջև վիճաբանություն է տեղի ունեցել, որն այնուհետև վերածվել է ծեծկռտուքի, ինչին էլ հաջորդել են դանակահարությունները։  Փաստի առթիվ հետաքննիչի կողմից նյութեր են նախապատրաստվում՝ դեպքի հանգամանքները պարզելու համար։ Պարզվում է նա վիրավորների ինքնությունը։

 

Դեպքի վայր են ժամանել նաև ոստիկանության փորձաքրեագիտական վարչության փորձաքրեագետները։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով