Հայաստանը եւ Ուկրաինան կհամագործակցեն ներդրումային ոլորտում

 

Հայաստանում Ուկրաինայի դեսպան Իվան Կուլեբան մասնակցել է «UkraineInvest»-ի գործադիր տնօրեն Սերգեյ Ցիվկաչի՝ ՀՀ կառավարությանն առընթեր ներդրումների խթանման կենտրոնի գլխավոր տնօրեն Լեւոն Հովհաննիսյանի հետ առցանց հանդիպմանը: Այս մասին հայտնել է AnalitikaUA.net-ը:

Հանդիպման ընթացքում քննարկվել են փոխադարձ ներդրումների ուղիների որոնմանն առնչվող հարցեր, ինչպես նաեւ նշվել է խնդիրների մասին, որոնց բախվում են Ուկրաինան եւ Հայաստանը` օտարերկրյա ներդրումներ փնտրելիս:

Հանդիպման արդյունքներով «Enterprise Armenia» ներդրումների խթանման կենտրոնի եւ «UkraineInvest» ներդրումների ներգրավման եւ աջակցության կառավարական գրասենյակի միջեւ համագործակցության շրջանակային հուշագիր է ստորագրվել:

Ինչպես հայտնի է, Ուկրաինայի հայերի միությունը նախատեսում է ընդլայնել Հայաստանում էլեկտրալիցաքավորման կայանների բացմանն ուղղված սոցիալական նախագծերը:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով