Փաշինյանի հանդիպումներին մասնակցածների մեծ մասը որևէ դեպքում ձայն չի տա ՔՊ-ին. «Փաստ»

 

«Փաստ» օրաթերթը գրում է. «Նիկոլ Փաշինյանի նախընտրական այցերի ժամանակ մարդաքանակ ապահովելու համար մարզպետարանները ջանք ու եռանդ չեն խնայում պետական կառույցների միջոցով որոշակի քանակի մարդ ապահովելու համար, որպեսզի «շեֆի» մոտ խայտառակ չլինեն, ինչպես նաև Ֆեյսբուքում դնելու կադրեր ունենան:

Հետևեք մեզ Տելեգրամում՝ t.me/lurer4news

Սակայն «Փաստ» թերթի ստացած տեղեկություններով, Փաշինյանի հանդիպումներին մասնակցածների մեծ մասը ոչ մի դեպքում չի պատրաստվում ձայն տալ «Քաղաքացիական պայմանագիր» կուսակցությանը: Մենք արդեն մի քանի մարզից տեղեկություններ ենք ստացել, որ հանդիպման գնացածներից շատերը հանդիպել են ընդդիմության ներկայացուցիչներին և հավաստիացրել, որ «ձեռքներս կկտրենք, էդ Նիկոլին կյանքում ձայն չենք տա»: Նրանք նաև ասել են, որ իրենք մինչև ընտրությունները ցանկություն չունեն ո՛չ անիմաստ պատմությունների մեջ ընկնել, ո՛չ էլ, առավել ևս, աշխատանքը կորցնել:

Սակայն քվեարկության ժամանակ իրենք միանշանակ մերժելու են այս իշխանություններին: Ի դեպ, եղել են այնպիսիք, որոնք պատմել են, որ առանձին պաշտոնյաներ իրենց խնդրել են միայն մասնակցել, ասել են՝ «կարևորը հիմա պադդերժկա արեք, ամոթով չմնամ, ընտրությանն ինչ ուզում եք, արեք»:

Առավել մանրամասն՝ թերթի այսօրվա համարում։

Հետևեք մեզ Տելեգրամում՝ t.me/lurer4news

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով