«Պատիվ ունեմ» դաշինքի մաս կազմող քաղաքական ուժերն իրենց անցած ճանապարհով, իրենց կադրային պոտենցիալով, իրենց պետական մտածելակերպով կարող են ստանձնել պատասխանատվություն և դուրս բերել երկիրն այս մղձավանջից: Այդ մասին Armnews-ի եթերում հայտարարեց «Պատիվ ունեմ» դաշինքի վարչապետի թեկնածու, «Հայրենիք» կուսակցության նախագահ Արթուր Վանեցյանը:
«Ամենամեծ մեղքն այսօր մեր երկրում՝անտարբերությունն է: Մարդ պետք է ունենա հստակ իր դիրքորոշումն ու քայլեր ձեռնարկի, որպեսզի այս մթնոլորտը փոխվի: Անտարբերությունը հավասար է դավաճանության»,-նշել է Վանեցյանը:
Նրա խոսքով, յուրաքանչյուր քաղաքացի պետք է գնա և ձայն տա պատիվ ունեցող, պետականության համար ցավացող ուժի համար:
