Հուլիսի 1-ից կենսաթոշակը և նպաստները կվճարվեն միայն բանկերի միջոցով

Հուլիսի 1-ից Երևան, Գյումրի, Վանաձոր քաղաքներում կենսաթոշակի և ծերության, հաշմանդամության, կերակրողին կորցնելու դեպքում նպաստների վճարման գործընթացում փոփոխություն է իրականացվել։ Սկսած վերոնշյալ ժամկետից դրանք կվճարվեն բացառապես անկանխիկ եղանակով՝ միայն բանկերի միջոցով: Այս մասին տեղեկացնում է ՀՀ աշխատանքի և սոցիալական հարցերի նախարարությունը:

Բացառություն կկազմեն առաջին կամ երկրորդ խմբի հաշմանդամություն ունեցող անձինք, 75 տարին լրացած կենսաթոշակառուներն ու նպաստառուները, ովքեր կարող են ընտրել վճարման եղանակը՝ կանխիկ կամ անկանխիկ: Կենսաթոշակը լիազորագրով կամ 14 տարին լրացած անչափահասին վճարվումը կիրականացվի կանխիկ եղանակով:

Հետևեք մեզ Տելեգրամում՝ t.me/lurer4news

Երևան, Գյումրի և Վանաձոր քաղաքների կենսաթոշակառուներն ու նպաստառուներն, ովքեր ընդգրկված չեն բացառություն կազմող շահառուների խմբում և իրենց գումարը ստանում են կանխիկ եղանակով, մինչև 2021 թվականի հունիսի 21-ը պետք է դիմում ներկայացնեն Միասնական սոցիալական ծառայության ցանկացած տարածքային բաժին՝ նշելով այն բանկի անունը, որտեղից ցանկանում են ստանալ իրենց հատկացվող գումարը:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով