Նիկոլական Հայաստանը դարձել է մի քաոտիկ իրողություն։ Այս մասին ֆեյսբուքյան իր էջում գրել է ՀՀ նախկին վարչապետ Հրանտ Բագրատյանը գրել է.
«Ինչպես գիտեք կառավարությունը խնդիրներ ունի պահեստազորի զինծառայողների, ԱԻՆ, պետանվտանգության, ոստիկանության սպաների արձակուրդայինների վճարման հետ։ Խնդիրը կարգավորելու համար Ցոլակ Խաչատրյանի գլխավորությամբ ստեղծված էր նախաձեռնություն։ Մարդիկ բոլոր դատերում հաղթել են։ Գոյացել է մոտ 150 մլն դոլարի պարտք։ Կառավարությունը, ՊՆ-ն, մյուս գերատեսչությունները հրաժարվում են այդ պարտքերը վճարել։
Մայոր Խաչատրյանը սեպտեմբերյան պատերազմի ժամանակ հերոսաբար զոհվեց Ջեբրայիլում։ Ներկայումս նախաձեռնության աշխատանքները շարունակում է համակարգել պահեստազորի մայոր Էդգար Հովհաննիսյանը։ Առայժմ արդյունք չկա։ Է ի՞նչպես վճարեն օրինական պարտքերը, եթե իմքայլականներին պարգևավճարի գումարները չեն հերիքում։
p.s. Առաջիկայում գրելու ենք նաև ավտոներկրողների ԱԱՀ պարտքի մասին։ 2018 և 2019թթ.. բյուջե փող մուտքագրեցին։ Բա ԱԱՀ-ը ո՞վ պետք է հետ տա։ Ազատություն կուսակցությունն այս պարտքերը ի գիտություն է ընդունում։ Դրանք պետք է ներառվեն պետության պարտքի մեջ և կարճ ժամկետներում վճարվեն»,- գրել է Բագրատյանը:
