2021 թվականի մայիսի 26-ին ժամը 18․00-ին ավարտվել է կուսակցությունների և դաշինքների կողմից Կենտրոնական ընտրական հանձնաժողով առաջադրումների և թեկնածուների ցուցակներ ներկայացնելու սահմանված ժամկետը։ Այս մասին ֆեյսբուքյան իր էջում գրում է ՍԴ աշխատակազմի նախկին ղեկավար Էդգար Ղազարյանը:
«Ինչպես նախապես ես հայտարարել էի, մնում եմ իմ սկզբունքներին հավատարիմ, հետևաբար իմ անունն ընդգրկված չէ հայտավորված 29 ուժերից որևէ մեկի ցուցակներում։ Ես չեմ ընդունում հանցավոր ճանապարհով օրինական իշխանության տապալման և անառողջ մթնոլորտում ընտրության գնալու կեղծ օրակարգը։
Որպես Հայաստանի Հանրապետության քաղաքացի ես շարունակում եմ առաջնորդվել այն օրակարգով, որի խնդիրն ու հրամայական է դավաճան թշնամուն իշխանությունից բոլոր հնարավոր ճանապարհներով վռնդելու պայքարը։ Քանի որ դեռևս չի չեղարկվել հունիսի 20-ին հայտարարված ընտրությունը, ուստի իմ պայքարի թիրախում կլինի ոչ միայն հայ ժողովրդի ամենամեծ թշնամու առաջնորդությամբ հայտարարված թշնամական-դավաճանական կուսակցությունը, այնպես էլ նրան դաշնակից և աջակցող այլ ուժերը։
Դավաճանը պետք է վռնդվի, դավաճանը պետք է պատժվի»,- գրել է նա։