Զոհվածների և անհետ կորածների որոնումները շարունակվում են Որոտանի ուղղությամբ

 

Պատերազմի ընթացքում զոհված և անհետ կորած համարվող զինծառայողների, նաև քաղաքացիական անձանց աճյունների որոնողական աշխատանքներն ապրիլի 16-ին շարունակվում են Ադրբեջանի վերահսկողության տակ անցած Որոտանի (Քուբաթլու) ուղղությամբ: Այս մասին տեղեկացնում են Արցախի ՆԳՆ տեղեկատվության և հասարակայնության հետ կապերի բաժնից՝ հավելելով, որ որոնումներն իրականացվում են փրկարարական մեկ ջոկատով:

«Ապրիլի 15-ին Ջրականի շրջանում իրականացված որոնումներն արդյունք չեն տվել: Օրվա ընթացքում տեղի ունեցած ականապայթյունային պատահարից հետո աշխատանքները նույն պահին դադարեցվել են»,-հայտնում են Արցախի ներքին գործերի նախարարության փրկարար ծառայությունից՝ մանրամասնելով, որ պայթյունից վիրավորում ստացած փրկարարի առողջական վիճակը կայուն է: Նա գտնվում է վերակենդանացման բաժանմունքում և օրվա երկրորդ կեսին կտեղափոխվի հիվանդասենյակ:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով