Ինչո՞ւ էր Վաղարշակ Հարությունյանն այցելել ԲԴԽ.«Հրապարակ»

 

«Երեկ Բարձրագույն դատական խորհուրդ էր ժամանել պաշտպանության նախարար Վաղարշակ Հարությունյանը։ ԲԴԽ շենքի դիմաց կայանված էր ՊՆ 0001 պետհամարանիշով Toyota Land Cruiser 200 ամենագնացը, որը սպասարկում է նրան։ Մեքենայի մոտ նախարարի անվտանգության աշխատակիցներն էին ու եւս մեկ ուղեկցող ամենագնաց։ Փորձեցինք պարզել, թե գործադիր իշխանության ներկայացուցիչն ինչու է այցելել դատական իշխանության բարձրագույն մարմին, սակայն ԲԴԽ-ից մեզ պատասխանող չեղավ։ Ամենայն հավանականությամբ, Վաղարշակ Հարությունյանը եկել է օրեր առաջ ԲԴԽ նախագահ Ռուբեն Վարդազարյանի պաշտոնն ու աշխատասենյակը «զավթած» եւ իրեն արդեն ԲԴԽ նախագահ զգացող Գագիկ Ջհանգիրյանի հետ հանդիպման՝ քննարկելու, ասենք, Օնիկ Գասպարյանին առնչվող վարույթը, որը քննվում է վարչական դատարանում։

 

Չի բացառվում նաեւ, որ Վ․ Հարությունյանը եկել է ընտրությունների «կազմակերպման» մեծ փորձ ունեցող Ջհանգիրյանի մոտ՝ քննարկելու հունիսի 20-ին բանակի ձայներն իշխանության օգտին գրանցելու հարցերը։ Առաջին դեպքում դա արդարադատությանը միջամտելու հանցակազմ է պարունակում, երկրորդ դեպքում՝ ընտրակեղծարարության»,-գրում է թերթը։

Նյութն ամբողջությամբ կարդացեք թերթի այսօրվա համարում։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով