«Երեկ Բարձրագույն դատական խորհուրդ էր ժամանել պաշտպանության նախարար Վաղարշակ Հարությունյանը։ ԲԴԽ շենքի դիմաց կայանված էր ՊՆ 0001 պետհամարանիշով Toyota Land Cruiser 200 ամենագնացը, որը սպասարկում է նրան։ Մեքենայի մոտ նախարարի անվտանգության աշխատակիցներն էին ու եւս մեկ ուղեկցող ամենագնաց։ Փորձեցինք պարզել, թե գործադիր իշխանության ներկայացուցիչն ինչու է այցելել դատական իշխանության բարձրագույն մարմին, սակայն ԲԴԽ-ից մեզ պատասխանող չեղավ։ Ամենայն հավանականությամբ, Վաղարշակ Հարությունյանը եկել է օրեր առաջ ԲԴԽ նախագահ Ռուբեն Վարդազարյանի պաշտոնն ու աշխատասենյակը «զավթած» եւ իրեն արդեն ԲԴԽ նախագահ զգացող Գագիկ Ջհանգիրյանի հետ հանդիպման՝ քննարկելու, ասենք, Օնիկ Գասպարյանին առնչվող վարույթը, որը քննվում է վարչական դատարանում։
Հետևեք մեզ Տելեգրամում՝ t.me/lurer4news