Պաշտպանության նախկին փոխնախարար, ՀՀԿ անդամ Արտակ Զաքարյանը ֆեյսբուքյան իր էջում գրել է.
«Սա թերևս մեր օրերի ամենակարևոր սոցիալ-հոգեբանական հարցն է։ Նորմալ ազգը, նորմալ քաղաքացին, իրեն հարգող Հայը (հատկապես նրանք, ովքեր սիրում են գլուխ գովել իրենց հայ լինելով) հիմա հասած կլիներ դավաճանի դատին, ոչ թե ընտրություններին։
2020թ. նոյեմբերի 9-ի կապիտուլյացիոն դավաճանությունից հետո՝ հողերը, զոհերը, փողերը, զորքերը, զենքերը, դիրքերը, պատիվը, ամբողջը կորցնելով, մեր Ազգը չկանգնեց իր իսկ «թասիբին»։ Քիչ մարդ դուրս եկավ դավաճանից ազատվելու և պատասխանատվության ենթարկելու կոչով։
Արդյունքում՝ թրքամետ դավաճանն ընտրության է գնում։ Իսկ դա նշանակում է, որ նա ևս համոզվել է, որ Հայի թասիբը՝ զուտ դատարկ խոսքեր են։
Արդյոք ճի՞շտ է կապիտուլյանտ-դավաճանն այս հարցում։
Իմ խորին համոզմամբ, նիկոլիզմին տրվելիք յուրաքանչյուր քվե, դարձել է կրակոց հայ երեխաների ուղղությամբ։ Նիկոլին ընտրող քաղաքացին կարող է համարել, որ իր ձեռքով կրակել է իր սեփական երեխայի վրա։ Որովհետև, եթե մինչև հիմա նիկոլիզմը կործանել է ներկան, ապա ընտրվելուց հետո՝ կործանելու է նաև ապագան։
Ընտրելով նիկոլիզմը՝ հարգելի քաղաքացի դու ասում ես, որ.
«Կողմ ես դավաճանությանը»
«Կողմ ես թուրքերին, որովհետև նրանք քո բարեկամներն են»
«Քեզ պետություն պետք չէ, թուրքերը քեզ տիրություն կանեն»
«Ողջունում ես Հայրենիքի տարածքները թուրքին հանձնելը»
«Համաձայն ես, որ պոպուլիզմով քեզ ամեն օր խաբեն ու էշի տեղ դնեն»
«Պատրաստ ես թուրքի տակ հայտնվել՝ նիկոլի հրամանով»
«Թքած ունես Արցախի և Սյունիքի՝ հետևաբար նաև Երևանի վրա։ Քեզ համար կարևորը կոպեկ փախցնելն է»։
«Դու համաձայն ես, որ քո երեխաները ծառայեն թուրքին՝ մենակ թե հարուստ հայ հարևան չունենաս»
«Փող ես վերցրել և վաճառել ես քո երեխաների անվտանգությունը»
«Դու դեմ չես, որ քո երեխաներն ապրեն թուրքի դրոշի տակ, թուրքից հալածվելով՝ մենակ թե ազգային բանակ չլինի»։
Դու պատրաստ ես՞ արդյոք, վերջնականապես կործանելու Աստծուց տրված քո հայրենիքը։
Դու պատրա՞ստ ես շարունակել քո ճանապարհը մահաբեր սատանայի հետ։
Դու ունե՞ս էլի վաճառքի հանելու հող, հայրենիք, տուն, ապագա։
Ահա այս հարցերը պետք է տալ Հայաստանի բոլոր ընտրողներին։
Այսօր հայրենիք, պետություն ունենալ-չունենալու հարց է դրված մեր ընտրական սեղանին։
Ընտրում ես նիկոլի՞ն, ուրեմն անհայրենիք ես դարձնում քեզ, ծնողներիդ, երեխաներիդ, հարազատներիդ, բարեկամներիդ, ընկերներիդ, հարևաններիդ… Անհայրենիք, այսինքն՝ անպաշտպան, քոչվոր, փախստական ու հալածյալ։ Սա է նիկոլիզմին տված քվե գինը»,-գրել է Զաքարյանը
Նմանատիպ նորություններ:
Այս երկրի թիվ մեկ հերոսը մեր զինծառայողն է և նա իր առաքելությանը համարժեք վարձատրություն պետք է ստան...
Ինձ ընդհանրապես չի հուզում իմ ապօրինի ազատազրկումը, ինձ ավելի շատ հետաքրքրում է այս իշխանության ապօր...
Որպեսզի Երևանի փողոցներում հարյուր հազարներով մարդիկ կանգնեն կողքիդ, պետք է մարդկանց ասել, թե ինչ պե...
