Հերթական կամայական եւ նվաստացուցիչ որոշումը․ «Հրապարակ»

«Հրապարակ» թերթը գրում է. «Արցախի իշխանությունները կրնկակոխ հետեւում են հայաստանյան ավանդույթներին եւ կամայական որոշումներ կայացնում՝ իշխանությունից քաղաքացիներին կախվածության մեջ գցելով։

Մարտի 17-ին Արցախի կառավարությունն անհասկանալի որոշում է կայացրել՝ պատերազմից հետո հերթական աջակցության ծրագրով, սահմանելով, որ եթե ընտանիքի համատեղ բնակվող անդամներից մեկը՝ ամուսին, ծնող, զավակ, խուսափել է պատերազմին մասնակցելուց, ապա ընտանիքը չի կարող օգտվել վարկային աջակցությունից։

Հետևեք մեզ Տելեգրամում՝ t.me/lurer4news

Դիցուք, եթե եղբայրներից մեկը մասնակցել ու զոհվել է պատերազմում, իսկ մյուսն իր ընտանիքին փախցրել է Արցախից, ապա նրանց ծնողները չեն կարող վարկային արտոնությունից օգտվել։ Արցախում սա կամայական եւ նվաստացուցիչ որոշում են համարում, փաստացի կառավարությունը նման ծնողներին ոչ թե որպես հերոսի, այլ դասալիքի ծնող է ընկալում։

Մինչդեռ դասալքության համար օրենքով պատիժ է սահմանվում, եւ դրանով կարող է փակվել այդ հարցը։ Այս որոշման ենթատեքստն այն է, որ նման ընտանիքները դիմեն իշխանությանը, վերջիններս ընդառաջեն, եւ ստացվի, որ իշխանությունը լավություն է անում նման ընտանիքներին, եւ դրանով կախման մեջ են գցում մարդկանց»:

Առավել մանրամասն՝ թերթի այսօրվա համարում

Հետևեք մեզ Տելեգրամում՝ t.me/lurer4news

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով