Հայաստանը բանան ոչ միայն ներկրում է, այլև արտահանում․ «Ժողովուրդ»

«Ժողովուրդ» օրաթերթը գրում է․ ««Ժողովուրդ» օրաթերթը պաշտոնական աղբյուրներից տեղեկացավ, որ Հայաստանը ոչ միայն բանան է ներկրում, այլեւ այն արտահանում է: Տեղեկացնենք, որ արդեն մի քանի տարի է՝ Հայաստանը մերձարեւադարձային մրգեր է արտահանում, որոնք, ի դեպ, այստեղ չեն աճում, կամ դրանք աճեցվում են հատուկ պայմաններում ու բավական քիչ քանակությամբ:

«Ժողովուրդ» օրաթերթը տեղեկացավ, որ Հայաստանը նախորդ տարվա ընթացքում 19.5 տոննա բանան արտահանել է Ռուսաստան, իսկ 48 տոննա՝ Վրաստան: Նախորդ տարի Հայաստանից արտահանվել է 67,5 տոննա բանան, իսկ 2019-ին՝ 11 տոննա: ՀՀ պետական եկամուտների կոմիտեից «Ժողովուրդ» օրաթերթը տեղեկացավ, որ եթե 2019թ. Հայաստանից արտահանվել է 1018,2 տոննա արմավ, արքայախնձոր, ավոկադո, մանգո ու գուավա, ապա 2020թ. այդ թիվը հասել է 1859,7 տոննայի: Ի դեպ, նշված մրգերից Հայաստանը արտահանել է Ֆրանսիա, Ավստրիա, Բելառուս, Ուկրաինա, Իրան: Միայն Ռուսաստան Հայաստանը 1846 տոննա արմավ, անանաս, ավոկադո, մանգո ու գուավա է արտահանել»:

Հետևեք մեզ Տելեգրամում՝ t.me/lurer4news

Մանրամասները՝ «Ժողովուրդ» օրաթերթի այսօրվա համարում։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով