Հայ իրավաբանների ասոցացիան հանդես է եկել հայտարարությամբ

Հայ իրավաբանների ասոցացիան, ի դեմս վերջինիս նախագահ Շահեն Պետրոսյանի, հանդես է եկել հայտարարությամբ, որը ներկայացնում ենք ստորեւ․

«Հարգելի հայրենակիցներ,

Հաշվի առնելով հանրային լայն արձագանքը եւ տարբեր մեկնաբանությունները, կապված ՀՀ վարչապետ Նիկոլ Փաշինյանի եւ Հայ իրավաբանների ասոցացիայի անդամների հետ, ես որպես Ասոցացիայի ղեկավար՝ Շահեն Տիգրանի Պետրոսյանս, հայտնում եմ, որ Ասոցացիան հանդիսանում է մասնագիտական ոչ կոմերցիոն կազմակերպություն եւ չի զբաղվում քաղաքական գործունեությամբ։ Իր գործունեության ընթացքում Ասոցացիան մշտապես անցկացնում է հանդիպումներ Ռուսաստանի եւ Հայաստանի պետական իշխանությունների եւ հասարակական կազմակերպությունների տարբեր ներկայացուցիչների հետ, անկախ քաղաքական հայացքներից։ Հայաստանի վարչապետի հետ հանդիպումը եւս կապված էր Ասոցացիայի զուտ մասնագիտական գործունեության հետ, առնչված Հայաստանի քաղաքացիներին, ովքեր գտնվում են Ռուսաստանի տարածքում, իրավաբանական օգնության տրամադրման եւ գործակցության հետ։ Հարցերը, որոնք եղել են բացառապես իրավական թեմատիկայի շրջանակում, հասցեագրված են եղել Նիկոլ Փաշինյանին եւ նախապես պատրաստված են եղել Ասոցացիայի անդամների կողմից եւ համաձայնեցում որեւէ մեկի հետ չի պահանջվել։ Միաժամանակ հայտնում եմ, որ հարգելի պատճառով ես ներկա չեմ եղել այդ հանդիպմանը։ Հաշվի առնելով վերոնշվածը, խնդրում եմ զերծ մնալ ոչ տեղին մեկնաբանություններից, սպառնալիքներին եւ չգրտվել շահագրգիռ անձանց սադրանքներին, որոնք հանրությանը մոլորության մեջ են գցում։ Ուզում եմ ընդգծել, որ Ասոցացիան հետայսու էլ շարունակելու է իրականացնել իրավական աջակցություն հայրենակիցներին, անկախ ստացվող բացասական մեկնաբանություններից եւ սպառնալիքներից։

Տեղեկանք․- Հայ իրավաբանների ասոցացիան հանդիսանում է հասարակական կազմակերպություն, որը գրանցված է Ռուսաստանում եւ արդեն իրեն ցույց տվել է իրավական դաշտում՝ պաշտպանելով ՀՀ եւ ՌԴ քաղաքացիների «ծիրանային պատերազմների» ժամանակ՝ 2020 թվականին։ Մեր կազմակերպության խնդիրներն են՝ ցուցաբերել իրավական օգնություն ՌԴ քաղաքացիներին, կազմակերպություններին, ձեռնարկություններին, օտարերկրյա քաղաքացիներին եւ քաղաքացիություն չունեցող անձանց, ինչպես նաեւ համագործակցել պետական իշխանության մարմինների եւ հանրային միավորումների, արտասահմանյան եւ միջազգային կառույցների հետ՝ իրավագիտության ոլորտում՝ ՌԴ տարածքում»։

Անհետ կորած զինվորների ծնողները կառավարության շենքում ծեծել են Արսեն Թորոսյանին՝ լկտի պահվածքի համար

16.04.2021

Չզարմանաք, եթե շուտով 2-րդ ու 3-րդ նախագահներին ձերբակալեն կապիտուլյանտի պարտված պատերազմի համար․ Նարեկ Սամսոնյան

18.04.2021

Ստացվեց այն, որ Սերժ Սարգսյանի վերաբերյալ համոզմունքը, որ ինքը կարա երկիր պահի ու կառուցի մնաց, իսկ նրան «իշխանություն տվողները» սահուն և մեղմ ասաց չքվեցին.Մկրտչյան

20.04.2021

Ի՞նչ էր ուտում Նիկոլը Մեղրիի ռեստորանում (մենյու).Գագիկ Համբարյան

21.04.2021

Պատերազմի՝ պաշտոնապես չհայտնած զոհերը. ևս 71 անուն. Razm.info

17.04.2021

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով