Դավաճան Նիկոլի սիրելի նախկին «հրեշները».Գագիկ Համբարյան

Հայաստանի վարչապետի աթոռին զմռսված դավաճանը և դրան սպասարկող թիմը շատ է սիրում խոսել նախկինների թալանի, կեղծարարության, բեսպրեդելի և նախկինների կողմից թույլ տված այլ արատավոր երևույթների և հանցագործությունների մասին…

Որքան հասկանում եմ, ԱԺ արտահերթ ընտրություններին ընդառաջ արդեն քարոզարշավ սկսած կապիտուլյատն Նիկոլը մարդկանց ուղեղները լվալու և հույզերի վրա խաղալու առումով կրկին ընտրելու է «նախկինների» թեման շահարկելը…

Այս ամենը տարօրինակ չէր թվա, եթե չլինեին բազում փաստեր, որ այժմ իրեն սպասարկող և իշխանության մաս կազմողների մեջ կան նախկիններից բավական մի մեծ բանակ, որոնց մեջ են նաև նախկինների օրոք իրենց ամենավատ կողմերով դրսևորած անձինք, որոնց վերաբերյալ դավաճան Նիկոլը, եթե նախկինում բղավում էր, ապա հիմա ծպտուն չի հանում… Ստացվում է, եթե նախկին օդիոզը հիմա ծառայում է իրեն, ապա շատ արագ մոռացվում է նրա “նախկին” թալանչի, ընտրակեղծարար, բեսպրեդելշչիկ, գող, ավազակ, մարդասպան և գործ սարքող լինելը… Բերեմ մի քանի օրինակ…

Այս իշխանության նախկիններից ժառանգած սիրելի կադրերից է Գագիկ Ջհանգիրյանը, որի անվան հետ են բազմաթիվ մարդիկ և ԶԼՄ-ներ կապում 1995 թ-ի ԱԺ ընտրությունների և սահմանադրական հանրաքվեի ու 1996 թ-ի կեղծված նախագահական ընտրությունները, երբ վերջինս բարձր պաշտոն էր զբաղեցնում ԿԸՀ-ում… Դե Գագիկ Ջհանգիրյանի և Մատաղիսի զորամասում կատարված սպանությունների գործի կապի մասին գիտեն շատերը… Այդ ժամանակվա զինդատախազ Ջհանգիրյանն, ըստ ԶԼՄ-ների և այդ թվում Նիկոլի ընտանիքին պատկանող ԶԼՄ-ների այդ սպանությունները ջարդում էր անմեղ երեք տղաների գլխին, որոնք անմեղ լինելով բանտում մի քանի տարի անցկացնելուց հետո արդարացվեցին… «Մատաղիսի զորամասի»  գործով սկանդալը հասավ միչև ՄԻԵԴ, որտեղ Հայաստանը պարտվեց… Ի դեպ, Ջհանգիրյան Գագիկը շարունակում է պնդել, որ մարդասպաններն այն տղաներն են, որոնց ինքը 21 տարի առաջ թիրախավորել էր և փորձում էր ցմահ նստեցնել բանտ.. Ու այս մարդուն, նախկիններին խիստ քննադատող Նիկոլը տանում է ԲԴԽ՝ ապագայում այդ կառույցի նախագահ դարձնելու նպատակով…Հավելեմ, որ մի քանի տարի առաջ ԱԺ-ում Նիկոլ-Ջհայգիրյան “մենամարտի” ժամանակ մեկը մյուսին անվանեցին անգրագետ…

Հաջորդը, Անդրանիկ Քոչարյանն է՝ ԱԺ քայլիստ պատգամավոր, որը նաև զբաղեցնում է պաշտպանության հանձնաժողովի նախագահի պաշտոնը… Սույն կերպարը նախկինների ամենախդրահարույց և սկանդալայիններից է… Քոչարյան Անդոն իրեն շատ վատ դրսևորել է 1990-ականնների կեսին, երբ պաշտոն ստացավ Գյումրիում, որտեղ և ձեռք բերեց «Հրեշ Անդո»  մականումը… Սրա հետ են շատ գյումրեցիներ և ԶԼՄ-ներ կապում աղետի գոտու թալանը (հատկապես Գյումրիում մինչև հիմա մատնանշում են նրա և Լևոն Տեր-Պետրոսյանի եղբոր՝ Թելման Տեր-Պետրոսյանի կողմից Գյումրիի Տեքստիլ ֆաբրիկայի թալանը և հաստոցների կոպեկներով վաճառքը իրանցի գործարարներին ), ահռելի քանակությամբ շինտեխնիկայի անհետացումը”, աննախադեպ կաշառակերությունը, բեսպրեդելը, հովանավորչությունը…

Զավեշտն այն է, որ նախկինների օրոք “ամենամենաշնորհային” դիրք ունեցող Բուռնաշը բողոքում է նախկիններից… “Բուֆետչիկ” Բուռնաշը ոչ միայն իրենով արեց 70 հազար նստատեղով «Հրազդան»   մարզադաշտը, այլև «արտոնյալ կարգավիճակով»  բազում տարիներ ԱԺ պատգամավոր էր ընտրվում Շիրակի մարզի հյուսիսային՝ Ամասիա-Աշոցքի տարաշաշրջանից և Գյումրիի մի մասից… Թե ինչպե՛ս էր ընտրվում երեսփոխան, շիրակցիները շատ լավ են հիշում…Ըստ տարածված լուրերի, Բուռնաշը բացարձակ չէր թաքցնում, որ, ըստ նույն օդում կախված լուրերի, 5000 դրամ ընտրակաշառք բաժանելով էր ընտրվում, իսկ իրեն հարցով դիմող ընտրողներին հակադարձում էր, որ նա արդեն նրանց ձայները գնել է և որևէ պատրականություն չունի նրանց առաջ… Գյումրիում նաև չեն մոռանում «մարդագողությունը», երբ Բուռնաշն ԱԺ ընտրություններից մեկից ընդառաջ «գողացել»   էր պատգամավորի թեկնածուներից մեկին…

Սպասվելիք արտահերթ խորհրդարանական ընտրություններում հաղթելու Նիկոլի միակ հույսը կրկին «ռեմբրանտ» Տիգրան Մուկուչյանն է, որի պատճառով էլ նախկիններին թիրախավորող դավաճան Նիկոլը «մոռացության» է տալիս իր սերտ համագործակցությունը իր կողմից ընտրակեղծարարության մեջ մեղադրված Տիգրան Մուկուչյանին…

Հաջորդ օդիոզ կերպարը, ում հետ Նիկոլը մոռանալով իր ունեցած բազում խնդիրները, իշխանատեղափոխությունից հետո, ըստ լուրերի, սկսեց սերտ համագործակցել՝ հայտնի գործարար Սամվել Ալեքսանյանն է, ով հայտնի է Լֆիկ Սամո մականունով… Տարիներ առաջ հենց այդ ժամանակվա ԱԺ իշխանական պատգամավոր Լֆիկ Սամոն էր բացահայտ հայտարարում, որ Նիկոլը «իրանց ախպերն ա»՝ ակնարկելով, որ վերջինս կապ ունի նախկինների հետ… Տարիներ շարունակ Սամվել Ալեքսանյանի նկատմամբ բացասական կարծիք ձևավորում էր հիմանակում Նիկոլի ընտաներկան թերթը, ով հայտնի գործարարին մեղադրում էր որոշ ապրանքների արտադրման և ներկրման ոլորտներում մենաշնորհային դիրք ունենալու, կեղծարարության, մարդասպանության և այլ հանցագործությունների մեջ, բայց իշխանության գալուց հետո Լֆիկ Սամոն դավաճան Նիկոլի համար դարձավ շատ ընդունելի և օրինապահ գործարար… Նիկոլը չգիտես ինչի՛ դիմաց շատ արագ «մոռացավ»  և՛ Լֆիկի հանցագործ լինելը, և՛ վերջինիս նկատմամբ տածած հակակրանքը…

Գիտեք ինչու՞ է Նիկոլն այս նախկինների հետ սերտ համագործակցում և «մոռանում», որ նրանք նախկին կոռումպացված և կեղծարարներ են…Խնդիրը միայն այն չէ, որ վերջիններս հիմա հլու հնազանդ ծառայում են դավաճան Նիկոլին և կատարում են վերջինիս բոլոր քմահաճույքները… Բանն այն է, որ հենց դավաճան Նիկոլը կարկառուն ՆԱԽԿԻՆ է, ով նախկինների մոտ ընդդիմադիր էր աշխատում…