Բայդենը իր ուղերձում կարտասանի ցեղասպանություն բառը, ես գրեթե վստահ եմ դրանում։ Բայց պիտի հստակորեն ֆիքսենք նաեւ, որ դա կապված է լինելու աշխարհաքաղաքական գործոնների հետ, ԱՄՆ-ի շահերի հետ եւ Թուրքիայի այսօրվա քաղաքականության հետ: Այս մասին քիչ առաջ Ծիծեռնակաբերդի հուշահամալիրում լրագրողների հետ զրույցում ասաց ԱԱԾ նախկին պետ Դավիթ Շահնազարյանը։
«Դրանից հետո արդեն Հայաստանի արտաքին քաղաքականության համար նոր հնարավորություններ են բացվում, ինչը այս իշխանությունները անընդունակ են իրականացնելու. Ինչպես նաեւ ընդհանրապես արտաքին քաղաքականություն վարելու։Հայաստանը միջազգային հարաբերությունների սուբյեկտ չէ, ընդամենը օբյեկտ է: Ոչ մի հարց չի լուծվելու, ամեն ինչ շարունակելու է վատթարանալ, վտանգները մեր տարածքային ամբողջականությանն ուղղված շարունակելու են մեծանալ, քանի դեռ չենք հրաժարվել այս իշխանություններից»,- պնդեց Դավիթ Շահնազարյանը։
