Ավազակություն Ազատության հրապարակում․ Կենտրոնականի ոստիկանների բացահայտումը

Ապրիլի 26-ին ոստիկանություն զանգած երիտասարդը հայտնել էր, որ Ազատության հրապարակում իր ընկերոջը երկու հոգի դանակով սպառնացել են և գողացել բջջային հեռախոսը: Տեղեկությունը փոխանցվեց ոստիկանության Կենտրոնական բաժին, որտեղից էլ օպերատիվ խումբը մեկնեց դեպքի վայր: Պարզվեց, որ 16-ամյա մի պատանի ընկերների հետ եղել է Ազատության հրապարակում, երբ նրանց է մոտեցել անծանոթ մի տղա և խնդրել բջջային հեռախոսը: Մերժում ստանալով` տղան վիճել է պատանիների հետ, ապա դանակով հարվածել նրանց ձեռքերին, ապա դանակի սպառնալիքով հափշտակել բջջային հեռախոսն ու փախել:
Ավազակության հատկանիշներով հարուցվեց քրեական գործ:
Կենտրոնականի քրեական հետախույզների ձեռնարկած օպերատիվ-հետախուզական միջոցառումների արդյունքում պարզվել է, որ դանակով սպառնացողը մայրաքաղաքի Վիլնյուսի փողոցի 17-ամյա բնակիչ է: Կենտրոնականի ոստիկաններին օգնության եկան Նոր Նորքի բաժնի անչափահասների գործերով և ընտանիքում բռնության կանխարգելման բաժանմունքի ծառայողները: Նրանց բացատրական աշխատանքի արդյունքում ապրիլի 27-ին 17-ամյա տղան ինքնակամ ներկայավավ Նոր Նորքի բաժին, որտեղից էլ տեղափոխվեց Կենտրոնական բաժին և ձերբակալվեց:
Նախաքննությունը շարունակվում է:

`Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

 

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով