«Ես առանձնապես ոչինչ չեմ արել: Պարզապես Խորհրդային իշխանությունն ինձ սովորեցրել էր ռազմարվեստ՝ մարտական ու տեխնիկական բաղադրիչներով, իսկ ես այն 1991-1992 թվականներին փոխանցել եմ գործընկերներիս»:
Ահա այսպես էր իրեն բնորոշում Արցախյան առաջին պատերազմի ականավոր մասնակից, հայ ռազմական պատմության լեգենդ, Արցախի հերոս, Հայի, Հայաստանի, Արցախի նվիրյալ՝ Արկադի Տեր-Թադևոսյանը… Մարդ, ով «Հարսանիք լեռներում» ռազմական հանճարեղ գործողության շնորհիվ ազատագրեց Շուշին՝ մեզ փոխանցեց Արցախի բանալիները:
Բայց ավաղ… 2020 թվականի աշունը կոտրեց լեգենդար հայորդու ողնաշարը: Մարդը ընկճվեց, կոտրվեց որդեկորույս հոր նման:
Հիշելով վերջին շրջանում նրա իմաստուն և հիասթափված հայացքը, ինչպես նաև իր կողմից հնչեցված խոսքերը՝ «Հաղթանակը հայի գենի մեջ է», ասո՛ւմ ենք՝ ոչ ոք անպատիժ չի՛ մնալու:
Երկրային կյանքը լքելով՝ նա բարձրացավ երկնքի արքայություն՝ դեպի հավերժություն:
Մեր խորհին վշտակցությունն ու խոնարհումը Ձեզ՝ Հրամանատար:
«Երկիր Ծիրանի» կուսակցության մամլո ծառայություն