Երեկ ԱԱԾ֊ն հերքեց Արարատ Միրզոյանի գործակալ լինելու տեղեկությունը և, խնդիրն այն է, որ կառույցը ոչ հերքելու, ոչ հաստատելու իրավունք չուներ։ Մեղմ ասած՝ սա տարօրինակ է և գուցե ԱԱԾ֊ի վրա քաղաքական պարտադրանք է եղել։ Այս մասին ֆեյսբուքյան ուղիղ եթերում ասել է Նարեկ Մալյանը։
Նրա խոսքով՝ երեկ հրապարակված փաստաթուղթն ամբողջ գործընթացի ամենագաղտնի փաստաթուղթն է, իսկ նման ձեռագիր փաստաթուղթը գործակալական աշխատանք կատարելու դեպքում պարտադիր է։
Մալյանի խոսքով՝ այդ փաստաթուղթը կոնկրետ անձնական գործից վերցված թուղթ է, որտեղ երևում է նաև գործակալի կեղծանունը։ Գործակալ լինելու դեպքում կա նաև բանվորական գործի թղթապանակ, որը տարբերվում է անձնական փաստաթղթերից, այդտեղ էլ լինում են զեկույցները և, ըստ Մալյանի, Մինասյանի մոտ առկա թղթապանակից կարելի է ենթադրել, որ այդ զեկույցները ևս կան։ Մալյանը գտնում է, որ Միրզոյանն այդ մեղադրանքները հերքելու համար միայն կարող է թուղթն ուղարկել ձեռագրաբանական փորձաքննության։
Մանրամասն տեսանյութում