Ավելի քան վստահ եմ, որ Արարատ Միրզոյանը միակ դավաճանը չէ մեր կառավարության մեջ.Հրանտ Մելիք-Շահնազարյան

 

 

Հետևեք մեզ Տելեգրամում՝ t.me/lurer4news

Եթե արդեն ՀՀ ԱԺ նախագահի պաշտոնին են հասել, կնշանակի՝ երկիրը վխտում է տարբեր երկրների լրտեսներով ու գործակալներով։ Այս մասին ֆեյսբուքյան իր էջում գրել է քաղաքագետ   Հրանտ Մելիք-Շահնազարյանը՝ անդրադառնալով ԱԺ նախագահ Արարատ Միրզոյանի՝ թուրքական գործակալ լինելու մասին Միքայել Մինասյանի բացահայտմանը։

Գրառումը ներկայացնում ենք ստորև․

«Ավելի քան վստահ եմ, որ Արարատ Միրզոյանը միակ դավաճանը չէ մեր կառավարության մեջ։ Անզեն աչքով է երևում, որ թշնամու օգտին գործող ղեկավարաների մի ողջ փաղանգ է հանգրվանել իշխանության մեջ։ Սկսած վարչապետ Նիկոլ Փաշինյանից։ Ինչպես ասվում է, պտղից է ճանաչվում ծառը։ Նայեք նրանց գործի արդյունքներին և կհասկանաք ինչն ինչոց է։

Հետևեք մեզ Տելեգրամում՝ t.me/lurer4news

Դրա համար եմ վերջին տարիների անընդհատ ազգային ազատագրական պայքարի մասին խոսում։ Որպեսզի մեր ժողովուրդն գիտակցի՝ պարտադիր չէ դիմացինի անուն ազգանվան մեջ օղլի լինի, որպեսզի ի դեմս նրա թշնամի տեսնենք։ Ամենամեծ թշնամին ներսից է գործում և ունի յան վերջածանցով ազգանուն։

Իսկ 2018թ. իշխանազավթումից հետո թշնամու գործակալներն ընդհանրապես լկտիացան։ Նրանք այլևս չեն թաքցնում իրենց նպատակները, բացահայտ վարկաբեկում են մեր զինվորականությանը, եկեղեցին, ազգային արժեքները։ Նրանք ծախեցին Արցախը, խոսում են այն մասին, որ մեզ բանակ պետք չէ, հետևողականորեն ոչնչացնում են հայկական պետականության վերջին մնացորդները…

Այս պայքարում մենք պարտվելու իրավունք չունենք։ Օտարեկրյա և հատկապես թուրք-ադրբեջանական գործակալական ցանցի գործունեությունը Հայաստանում պետք է կասեցվի, իսկ դավաճանները խստագույնս պատժվեն։ Հակառակ պարագայում մենք կկորցնենք ամեն ինչ։ Հասկանու՞մ եք՝ ամեն ինչ»։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով