Խոշոր ու ողբերգական ավտովթար Շիրակի մարզում. Գյումրիում տեղակայված ՌԴ ռազմաբազայի զինծառայողը Mitsubishi Pajero-ով մոտ 100 մետր մի քանի պտույտ շրջվելով՝ հայտնվել է ձորում. կա 1 զոհ, 1 վիրավոր

Այսօր՝ հոկտեմբերի 13-ին, խոշոր ու ողբերգական ավտովթար է տեղի ունեցել Գեղարքունիքի մարզում։ Ժամը 07։00-ի սահմաններում ՌԴ քաղաքացի՝ 38-ամյա Օլեգ Ռաշիդով Ֆարիդովիչը իր վարած Mitsubishi Pajero մակնիշի ավտոմեքենայով Գյումրի-Բավրա ավտոճանապարհի Քեթիի ոլորաններում դեռևս անհայտ հանգամանքներում դուրս է եկել ճանապարհի երթևեկելի գոտուց, բախվել երկաթե արգելապատնեշներին և մոտ 80 մետր մի քանի պտույտ շրջվելով՝ հայտնվել ձորակում։

Հետևեք մեզ Տելեգրամում՝ t.me/lurer4news

 

Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդ Օ. Ռաշիդովն ու նրա ուղևոր՝ Գյումրիի բնակիչ, 26-ամյա Վանիկ Մովսիսյանը մարմնական վնասվածքներով տեղափոխվել են Գյումրու բժշկական կենտրոն։ Օպերատիվորեն դեպքի վայր են ժամանել Ճանապարհային ոստիկանության 2-րդ սպայական գումարտակի 2-րդ վաշտի 3-րդ դասակի ծառայողները՝ վաշտի հրամանատար Վաչե Մալաքյանի, դասակի հրամանատար Լյովա Սիմոնյանի գլխավորությամբ։

Մինչ տեղում աշխատում էին նույն վաշտի ավագ հետաքննիչներ Դավիթ Ասատրյանն ու Նաիրի Գասպարյանը, հիվանդանոցից ահազանգ է ստացվել, որ վարորդը, գիտակցության չգալով, մահացել է, իսկ ոստիկանության Ախուրյանի բաժնի օպերատիվ խումբը բաժնի պետի գլխավորությամբ պարզել են, որ մահացածը ծառայում էր Գյումրիում տեղակայված ՌԴ ռազմաբազայում, ինչից հետո տեղեկությունը փոխանցվել է նշված ռազմաբազա, որտեղից ժամանել է օպերատիվ քննչական խումբը։

Հետևեք մեզ Տելեգրամում՝ t.me/lurer4news

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

shamshyan.com

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով