«ԿԳՄՍ նախարարությունը թույլ չի տվել, որ ես Հանրապետության հրապարակում ռեկորդ սահմանեմ». Գինեսի եռակի ռեկորդակիր.168.am

 

Այսօր Յուրի և Արթուր Սաքունց եղբայրները սահմանեցին Գինեսի իրենց հերթական ռեկորդը: Եղբայրները ռեկորդները նվիրեցին Հայաստանի անկախության 29-ամյակին: Նրանք սպորտով զբաղվում են դեռ մանկուց: Ասում են՝ իրենց ռեկորդներին պատրաստվել են ամբողջ կյանքում:

«Ատամներով բռնած ճոպանը, ձեռքերի վրա քայլելով, 3 մետր քաշեցի 4.5 տոննա քաշ ունեցող մեքենա: Շրջանցեցի ադրբեջանցի մարզիկին, որը նույն ռեկորդը սահմանել է 7 տարի առաջ, քաշել է 1.5-2 տոննա քաշ ունեցող մեքենա»,- ասաց Յուրի Սաքունցը:

«Ես այսօր գերազանցեցի ինքս իմ ռեկորդը: Արցախում գրանցել էի Գինեսի ռեկորդ, ատամներով բռնած ճոպանը՝ 11 մետր քաշել էի 12 տոննա քաշ ունեցող ավտոբուս, այսօր 10 մետր քաշեցի 14 տոննա քաշ ունեցող մեքենա»,- ասաց Արթուր Սաքունցը:

Ռեկորդները սահմանվեցին Շահումյանի հրապարակում: Մեր հարցին, թե որևէ խորհուրդ ունի՞ հենց ԿԳՄՍ նախարարության առջև ռեկորդները սահմանելը, Յուրի Սաքունցը պատասխանեց, որ ցանկացել են Հանրապետության հրապարակում դրանք սահմանել, սակայն թույլ չեն տվել:

«Ես շատ տանջանքների միջոցով կարողացա այստեղ ռեկորդը սահմանել: ԿԳՄՍ նախարարությունը թույլ չի տվել, որ ես այստեղ ռեկորդ սահմանեմ, թույլ չի տվել Հանրապետության հրապարակում սահմանեմ: Առհասարակ չի աջակցել: Ես զանգել եմ ԿԳՄՍՆ, ասել եմ, որ ինձ փող պետք չի, ինձ տեղ է պետք, որ ռեկորդ սահմանեմ, ասել են՝ չենք կարող: Ասել են՝ գնա 3-րդ մասում արա, ես էլ պատասխանել եմ, որ 3-րդ մասի տեղը ես էլ գիտեմ: Ես այստեղ կարողացել եմ ռեկորդ սահմանել իմ, իմ  ծնողների, իմ ծանոթների շնորհիվ, որ գոնե կենտրոնական հատված լինի: Ավելին ասեմ, երբ ես Արցախ էի գնում ռեկորդ սահմանելու, Հայաստանի մարզիկ եմ, գնում եմ Արցախ, ռեկորդ եմ սահմանում, զանգեցի, որ աջակցեն, չաջակցեցին, ես էլ ասացի՝ հաջողություն, և ինքս իմ ռեսուրսներով գնացի»,- ասաց Յուրի Սաքունցը:

Մարզիկն ասաց, որ ռեկորդներ սահմանելուն ներկա լինելու համար հրավիրել են ԿԳՄՍ նախարարության ներկայացուցչին, ԲՀԿ ղեկավար Գագիկ Ծառուկյանին, սակայն ոչ նախարարությունից ներկայացուցիչ կար, ոչ էլ Ծառուկյանն էր եկել:

Նրա խոսքով՝ վիրավորական է, երբ իրենք աշխարհին ներկայացնում են Հայաստանը, իսկ իրենց ոլորտը համակարգող նախարարությունն իրենց ոչնչով չի աջակցում:

«Էս է էս երկիրը: Չնայած երկիրը լավ երկիր է: Կառավարությունը, էն մարդիկ, որոնք նստած են պաշտոնին, չեն կարողանում ճիշտ կառավարել, որ մարդիկ չհիասթափվեն էս երկրից: Սպորտի նախարարությունն ինչի՞ համար է, որ մարդիկ նույնիսկ տեղ չեն տալիս, որ ռեկորդ սահմանես: Սա մարդկային վերաբերմունք չէ: Վաղը-մյուս օրը Սպորտի նախարարությունն իմ ռեկորդը կարող է գցել իր էջ ու ասել՝ տեսեք, մեր մարզիկը ռեկորդ է սահմանել: Առողջություն ենք սպառում, տանջվում ենք, չի կարելի այսպես: Գագիկ Ծառուկյանն էլ ինքն էր ասել, որ գալու է, չի եկել: Ես շարունակելու եմ իմ ռեկորդները սահմանել, բայց արդեն կարելի է ուրիշ դրոշի ներքո: Գնամ Եվրոպա, ուրիշի դրոշի ներքո նույն բանն անեմ, կասեն՝ սա մեր հայն է, մալադեց»,- ասաց Յուրի Սաքունցը:

Մարզիկը պնդեց, որ այլ երկրներից առաջարկներ ունի՝ գնալ և իրենց երկիրը ներկայացնել, սակայն դեռ չի գնացել, քանի որ ուզում է ներկայացնել իր երկիրը:

Եղբայրների հայրը նոր ռեկորդներ սահմանելու ժամանակ ցույց տվեց նաև սեպտեմբերի 2-ին Արցախում սահմանած ռեկորդների հավաստագրերը, որոնք արդեն իրենց մոտ են, և որոնց վրա գրված է, որ դրանք կատարված են Արցախում:

Մանրամասն ՝168.am-ի  տեսանյութում

«Տիկին Աննա, չմոռանաք նրանց հետ ռազմաճակատ ուղարկել սեռափոխված Մելին, ԿԳՄՍՆ֊ԱԳԼՃԿ֊ի սիրելի Կարաբինային և ոստիկան ծեծող տրանսգենդերներին…».Գագիկ Համբարյան

19.10.2020

Շնորհակալ եմ, Նախագա՛հ, որ 2016-ին կանխեցիր արյան ծովը և կանգնեցրեցիր 4 օրում պատերազմը.Աննա Հովներ

16.10.2020

Եթե բանակցային գործըթացի ժառանգությունից հրաժարվել ենք 2018-ին և սկսել նոր կետից, ապա իմաստը որն ա քննարկել հիմա էդ ժառանգությունը, որը երկու տարուց ավել էլ օրակարգում չկա՞

15.10.2020

Անկախ գեոպոլիտիկ շահերի բարդ կծիկից՝ հրադադարի բանալիները իրականում, միեւնույն է, Մոսկվայում են

18.10.2020

Ադրբեջանի ԶՈՒ-ն սպանել է ՀՀ դրոշով փաթաթված անպաշտպան հայ գերիներին. ԱՀ քննչական կոմիտեում վարույթ է ընդունվել քրգործ

16.10.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով