Բերդյանսկում տեղի է ունեցել հայկական խաչքարի օծման արարողությունը

Ուկրաինայի Բերդյանսկ քաղաքում տեղի է ունեցել Ազմոլ միկրոշրջանում տեղադրված հայկական խաչքարի օծման արարողությունը՝ հայտնում է AnalitikaUA.net-ը:

Ուկրաինայի հայոց թեմի առաջնորդ տեր Մարկոս եպիսկոպոս Հովհաննիսյանի գլխավորությամբ օծված խաչքարը դարձել է ուկրաինացի և հայ ժողովուրդների անմեղ զոհերի հիշատակի խորհրդանիշը:

Ուկրաինայի հայերի միության գործադիր տնօրեն Հովակիմ Հարությունյանի խոսքով՝ հուշարձանի տեղադրումը նախաձեռնել է Բերդյանսկի հայերի միության նախագահ Հովհաննես Ավդալյանը:

«Վերջին մի քանի տարվա ընթացքում Ուկրաինայի հայերի միությունը կազմակերպել է Հայաստանից բերված ավելի քան 25 խաչքարի տեղադրումը. նրանցից մեկն էլ այժմ Բերդյանսկում է: Խաչքար-հուշարձանները տեղադրվում են այնտեղ, որտեղ մեր հայրենակիցներն իրենց հետքն են թողել: Բերդյանսկի հայկական համայնքը չի խնայել իր ուժերը, որպեսզի մենք կարողանանք հավերժացնել հայերի հիշատակը»,- նշել է Հովակիմ Հարությունյանը:

Հովհաննես Ավդալյանն ընդգծել է, որ խաչքարի տեղադրումը նախատեսվում էր այս տարվա գարնանը, սակայն, համավարակով պայմանավորված, միջոցառումը տեղափոխվել է: Ավդալյանը շնորհավորել է բոլոր հյուրերին և շնորհակալություն հայտնել Ուկրաինայի հայերի միության նախագահ Վիլեն Շատվորյանին:

Միջոցառմանը ներկա էին նաև Ուկրաինայի հայերի միության նախագահի տեղակալ Դավիթ Մկրտչյանը, տեր Հուսիկ քահանա Նուրիջանյանը, Խերսոնի հայերի միության նախագահ Տիգրան Մկրտչյանը, քաղաքային իշխանությունների ներկայացուցիչներ և ուրշներ:

Կայքը նշում է, որ Ուկրաինայի հայերի միության կողմից կազմակերպված մի շարք միջոցառումներ տեղի են ունեցել արեւելյան տարածաշրջանում: Զապոռոժյեում տեղի է ունեցել Ուկրաինայի հայերի միության համաժողովը, որից հետո կազմակերպությունը բժշկական սարքավորումներ է նվիրել մարզային կլինիկական մանկական հիվանդանոցին:

Եկել է վճարելու ժամանակը. Էրդողան

28.09.2020

«Հորդորում և խնդրում եմ չտրվել զգացմունքներին և հետևել միայն պաշտոնական լրահոսին: Հաղթանակը չի´ վաճառվում»․ Վիտալի Բալասանյան

28.09.2020

Թուրքական ռազմական օգնությունը Ադրբեջան է հասնում Վրաստանի տարածքով․

28.09.2020

Նիկոլ Փաշինյանի գլխավորած այլասերվածների իշխանությունը երկիրը մտցրեց պատերազմի մեջ.Միհրան Հակոբյան

29.09.2020

Սա ապրիլյան պատերազմը չէ: Այս պատերազմն Ադրբեջանը գաղտագողի չի սկսել

27.09.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով