ԱԺ-ում աղմկոտ պարգեւատրումները շարունակվում են։ Պարգեւատրումների հերթական որոշումն ստորագրվել է սեպտեմբերի 18–ին։
ԱԺ նախագահի որոշման մեջ ասվում է.
Ղեկավարվելով «Ազգային ժողովի կանոնակարգ» սահմանադրական օրենքի 5-րդ հոդվածի 2-րդ մասի 12-րդ եւ 22-րդ կետերով` կարգադրում եմ.
1. Ազգային ժողովի պատգամավորներին, աշխատակազմում պետական ծառայողներին եւ աշխատակազմի աշխատողներին խրախուսել միանվագ դրամական պարգեւատրմամբ ամսական պաշտոնային դրույքի 75%-ի չափով՝ համաձայն հավելվածի:
2. Ազգային ժողովի աշխատակազմի ղեկավար-գլխավոր քարտուղար Տ. ԳԱԼՍՏՅԱՆԻՆ` Հայաստանի Հանրապետության օրենսդրությամբ սահմանված կարգով ապահովել համապատասխան վճարումների կատարումը:
Պաշտոնային դրույքաչափի 75 տոկոսի չափով պարգեւատրումը կազմում է՝ Ազգային ժողովի նախագահի դեպքում 892,890 դրամ, ԱԺ փոխնախագահների՝ 694,470 դրամ, պատգամավորների՝ 496,050 դրամ։