Ես չեմ բացառում, որ կարող են զորավարժությունների քողի տակ, Նախիջևանի հատվածից հարձակում գործեն

Վաղվանից մինչև օգոստոսի 10-ը, թուրք-ադրբեջանական համատեղ զորավարժություններ են սկսվելու Նախիջևանում: Իհարկե սա առաջին անգամը չէ, բայց ռազմական առումով մի շարք հարցեր կարող է առաջացնել: Ես չեմ բացառում, որ կարող են զորավարժությունների քողի տակ, Նախիջևանի հատվածից հարձակում գործեն: Ինչու չեմ բացառում, որովհետև հաշվի եմ առնում Թուրքիայի ռազմաքաղաքական քայլերը, հստակ
հայտարարությունները և ագրեսիվ քաղաքականությունը ընդդեմ Հայաստանի Հանրապետության,
ագրեսոր և միջուկային ահաբեկիչ ադրբեջանին սատարելու բացահայտ դիրքորոշումը,
Արցախյան հարցի խաղաղ կարգավորման գործընթացը ռազմական սադրանքներով կասեցնելու քայլերի խրախուսումը, տարածաշրջանում ազդեցության գոտի ստեղծելու անթաքույց ջանքերը:
ՌԴ-ն էլ է զորավարժություններ սկսում, Հարավային Օսիայի և Աբխազիայի ռազմաբազաների ներգրավմամբ: Մանևրային վարժանքներ են լինելու Չեչնիայում, Դաղստանում, Հյուսիսային Օսիայում, Աբխազիայում և Հարավային Օսիայում՝ «գրադներով», «տորնադոներով», «ակացիաներով», «գվազդիկաներով», ԲՄՊ-3 ներով, ՀՕՊ-ի ինքնաթիռներով ու ուղղաթիռներով, հրետանիով, դեսանտնիկներով, մոտոհրաձգային զորամիավորումներով…
Փաստացի.
ա. թուրք- ադրբեջանական համատեղ զորավարժություններ Նախիջևանի սահմանին
բ. ՌԴ զորավարժություններ տարածաշրջանում՝ «Կովկաս 2020» լայնածավալ զորավարժություններին ընդառաջ:

Սրանք ռազմաքաղաքական լրջագույն ենթատեքստ կրող քայլեր են, որտեղ մեր երկիրը պետք է ամուր դիրքավորվի՝ պետության շահի առաջնահերթությամբ:
Մենք, որպես սադրիչ և ագրեսոր ադրբեջանին սահմանակից պետություն, մշտապես պետք է պատրաստ լինենք կանխիչ և համարժեք գործողությունների:

Բնականաբար, ցանկացած իշխանություն, այս ռազմաքաղաքական զարգացումների համատեքստում, պետք է առաջին հերթին, անվտանգության ամրապնդման օպերատիվ պլան մշակի՝ Անվտանգության խորհրդի նիստ հրավիրելով:
Իսկ ինչ են անում իշխանություն կոչվող խմբակի անդամները, վաչապետի աթոռին հայտնվածի գլխավորությամբ. զբաղված են ներքաղաքական դիվիդենտներ թռցնելով, անողնաշարությամբ մեր պետության դիրքերը թուլացնելով, ագրեսոր և միջուկային ահաբեկիչ ադրբեջանին ավելորդ խաղաղասիրություն շռայլելով:

Այս իշխանությունը բեռ է Ազգի ուսերին: Ծանր, անպատասխանատու և ապազգային բեռ, որը պետք է ազգովի թոթափենք մեր ուսերից, եթե ուզում ենք զարգացող և աշխարհին համընթաց պետություն կառուցել:

Ռազմական, հասարակական գործիչ, Արցախյան պատերազմի ազատամարտիկ, հայտնի հետախույզ  Գևորգ Գևորգյանի  ֆեյսբուքյան  էջից

«Ալենին որտեղ տեսնեմ հեգնանքով հիշեցնելու եմ նրա ով լինելը».Սևան Աղաջանյան

06.08.2020

Մարիա Կարապետյանը և Սոս Ավետիսյանը պետք է վայր դնեն իրենց մանդատները.Գեղամ Պետրոսյան

05.08.2020

Հայաստանին պոկում են Մոսկվայից

06.08.2020

Կորոնավիրուսից մահացածների դիահերձարանում. «Սև տոպրակների մեջ, գետնին, ոտքերի տակ ընկած դիակներ էին»

05.08.2020

Սա ցինիկ մարտահրավեր է. թուրքերն արդեն հայկական դպրոցներում են.Միհրան Հակոբյան

03.08.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով