Թուրքիան զորք է մտցրել Նախիջևան․ հակառակորդի զորքերի և տեխնիկայի ցանկացած տեղաշարժ, ցանկացած ակտիվություն ռիսկային է

Երեկվանից ընկերներս գրում-հարցնում են, այսօր էլ լրագրող զանգեց. «Թուրքիան զո՞րք է մտցրել Նախիջևան»։

Կարճ պատասխանը՝ այո։ Բայց կարճ պատասխանը լիարժեք չէ, այնպես որ մանրամասնեմ։

Ադրբեջանը և Թուրքիան պարբերաբար համատեղ զորավարժություններ են անցկացնում Նախիջևանում և «մայր» Ադրբեջանում (մեկնաբանություններում մի քանի օրինակ կդնեմ հղումներով)։

Բնականաբար, այդ զորավարժությունների ժամանակ թուրքական զինված ուժերի ստորաբաժանումներ են մտնում Նախիջևան և Ադրբեջան, այդ թվում և ավիացիա։

Այսինքն այս զորավարժություններն ու թուրքական զորք Նախիջևան գալը սպասելի իրադարձություններ են։

Արտառոց է միայն այդ զորավարժությունների ֆոնը՝ հայ-ադրբեջանական սահմանին լարված իրավիճակը + Ադրբեջանին սատարող Թուրքիայի իշխանությունների ագրեսիվ հայտարարությունները։

* * *

Արդյոք այս զորավարժությունների պլանային բնույթը նշանակո՞ւմ է, որ մենք անհանգստանալու բան չունենք։

Ո՛չ, չի նշանակում։ Հակառակորդի (առավել ևս՝ հակառակորդների) զորքերի և տեխնիկայի ցանկացած տեղաշարժ, ցանկացած ակտիվություն ռիսկային է։

Ցանկացած պլանային զորավարժություն կարող է քողարկում լինել իրական ռազմական գործողություններին նախապատրաստվելու համար։

Մեր սահմաններին մոտ ցանկացած տեղաշարժերի դեպքերում մեր զորքն էլ է համապատասխան նախապատրաստություններ տեսնում և իրավիճակին ուշադիր հետևում։

* * *

«Բա լավ, բա վերջը՞»։

Եթե ուզում ենք անկախ հայկական պետություն ունենալ, ապա վերջ չի լինելու։ Այսօր, վաղը, միշտ պիտի պատրաստ լինենք, զգոն, պիտի միշտ աշխատենք անվտանգության համակարգերն ամրացնելու և զարգացնելու վրա։

Անո՛ւշ

Կարեն Վրթանեսյանի էջից:

Ադրբեջանցիները նկարում են Սևանա լիճը

28.11.2020

Հենց հիմա մեր զորքը պետք է տանել, տեղադրել ադրբեջանական զորքի դիմաց, չհրահրելով նոր կոնֆլիկտ՝ պահել դիրքերը, ապահովել Գորիս-Կապան միջպետական ճանապարհի ու հարակից բնակավայրերի գոյությունը. Միքայել Մինասյան

28.11.2020

Հարգելի Սերժ Սարգսյան և Ռոբերտ Քոչարյան` Խնդրում եմ, հանուն մեզ, հանուն մեր երկրի փրկության, ղեկը վերցրեք ձեր ձեռքը.Աննա Հովներ

01.12.2020

Պարոն ամեղսունակ ինչու՞ նվիրեցիր Շուշին, Հադրութը և Մեղրիով ճանապարհը

29.11.2020

«Մեղրեցիներին խորհուրդ եմ տալիս մանրից շորերը հավաքել, որ հետո անակնկալի չգաք». Արթուր Դանիելյան

28.11.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով