Երևանի թիվ 1 տուն ինտերնատում նոր կորոնավիրուսով վարակվածներ կան. Այս մասին 168.am-ի հետ զրույցում ասել է Աշխատանքի և սոցիալական հարցերի նախարարի մամուլի խոսնակ Սոնա Մարտիրոսյանը:
«Ունենք 82 վարակակիր՝ 48 աշխատակից և 34 տարեց, իրենք բոլորն իրենց լավ են զգում: Որևէ մեկը չի հոսպիտալացվել, որևէ մեկն իրեն վատ չի զգացել, աշխատակիցներից երկուսի մոտ է եղել 37.6 ջերմության բարձրացում, դա է եղել: Իրենք էլ հենց հաստատությունում են մեկուսացվել: Կրկնակի թեստավորում դեռ չի արվել, քանի որ 14 օրը դեռ չի լրացել»,- ասաց Մարտիրոսյանը:
Հետևեք մեզ Տելեգրամում՝ t.me/lurer4news
ԱՍՀ նախարարի խոսնակը նաև հայտնեց, որ շարունակելու են փակ ռեժիմով աշխատել, այսինքն՝ մուտքն ու ելքը սահմանափակվելու են, քանի հակահամաճարակային վիճակը չի կայունացել:
