Փարիզի Աստվածամոր տաճարի այրվելը ամենևին էլ պատահականություն չէր. Ռուզաննա Խաչատրյան

ՊՆ նախկին նախարար Սեյրան Օհանյանի կինը՝ Ռուզաննա Խաչատրյանը ֆեյսբուքյան իր էջում գրում է.

«Սուրբ Սոֆիայի տաճարը մզկիթի վերածելու թուրքական պիղծ որոշումը ևս մեկ անգամ ինձ համոզեց, որ 2019 թ․ ապրիլի 15-ին Փարիզի Աստվածամոր տաճարի այրվելը (2019 թ․ ապրիլի 24-ին Աստվածամոր տաճարում պետք է կայանար Հայոց ցեղասպանության տարելիցին նվիրված պատարագ) ամենևին էլ պատահականություն չէր․․․

Հետևեք մեզ Տելեգրամում՝ t.me/lurer4news

Սարսափով եմ մտածում, որ այսօր պատահականություն չեն նաև Հայ եկեղեցու և քրիստոնեական հավատի ուսուցման, մայրենի լեզվի, մեր ազգային արժեքների դեմ իրար հաջորդող, դատապարտելի ոտնձգությունները։

․․․301 թվականից, երբ պատմական Հայաստանում քրիստոնեությունն ընդունվեց իբրև պետական կրոն, մեր եկեղեցին դարեր շարունակ հանդիսացել է հայոց պետականության հիմնասյունը, մեր ինքնությունն ու տեսակը պահպանողը, ժողովրդին կրթելու ու լուսավորելու միակ աղբյուրը։

20-րդ դարի վերջին մեր ազգային ազատագրական պայքարի արմատներում նորից կանգնեց Հայ եկեղեցին, իսկ Հայրենիքի համար մղվող պայքարում զինվորի և հրամանատարի կողքին հավասար կռվեց, պայքարեց ու նաև զոհվեց հայ հոգևորականը։

Հետևեք մեզ Տելեգրամում՝ t.me/lurer4news

Քրիստոնեությունը Աստծո գոյության «պրիմիտիվ» ընդունումը կամ ժխտումը չէ․ այն համամարդկային վեհ արժեքների, մարդասիրության բարձրագույն քարոզ է և քաղաքակրթական դրսևորում։

Խոնարհումս հայ ինքնության բացառիկ պահապան
Հայ եկեղեցուն։

Հայ՛ր մեր, որ յերկինս ես,
սուրբ եղիցի անուն Քո,
եկեսցէ արքայութիւն Քո,
եղիցին կամք Քո որպէս յերկինս եւ յերկրի:
Զհաց մեր հանապազորդ տո՛ւր մեզ այսօր.
եւ թո՛ղ մեզ զպարտիս մեր,
որպէս եւ մենք թողումք մերոց պարտապանաց:
Եւ մի՛ տանիր զմեզ ի փորձութիւն,
այլ փրկեա՛ զմեզ ի չարէն,
զի Քո է արքայութիւն
եւ զօրութիւն եւ փառք յաւիտեանս։
ԱՄԷՆ»:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով