Հուլիսի 10-ին, ժամը 23։54-ին Ճգնաժամային կառավարման ազգային կենտրոն ահազանգ է ստացվել, որ Երևանի Գրիգոր Հասրաթյանի փողոցի թիվ 10/1 հասցեի մոտակայքում այրվում է ավտոմեքենա․ կան արգելափակված քաղաքացիներ։ Այս մասին հայտնում է ՀՀ ԱԻՆ-ը։
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ:
Պարզվել է, որ տեղի է ունեցել ՃՏՊ․ բախվել են «ՎԱԶ-2121» (վարորդ՝ Անդրանիկ Ք․, ծնված 1994 թ․) և «BMW 528i» (վարորդի տվյալները չի հաջողվել պարզել) մակնիշների ավտոմեքենաները:
Մինչ փրկարարների՝ կանչի վայր հասնելը «BMW 528i» մակնիշի ավտոմեքենայի վարորդը և ուղևորը (Արեգ Դ․, ծնված 2001 թ.) հոսպիտալացվել են «Արմենիա» ՀԲԿ։
Փրկարարները հոսանքազրկել են «BMW 528i» մակնիշի ավտոմեքենան, փակել գազի բալոնի փականը և կատարել ճանապարհի լվացման աշխատանքներ։
