Չպետք է մոռանալ, որ հայ դպրոցի հիմնադիրը Հայ առաքելական եկեղեցին է ․․․

<<Հայոց եկեղեցու պատմություն>> առարկան պե՛տք է դասավանդվի դպրոցում

Չպետք է մոռանալ, որ հայ դպրոցի հիմնադիրը Հայ առաքելական եկեղեցին է ․․․
Այսօր ՀՀ կրթական համակարգի պահպանումը, նրա հետագա զարգացումը, մրցունակության ապահովումը միջազգային ասպարեզում համարվում է ազգային անվտանգության կարևորության խնդիր: Այն ոչ ավել ոչ պակաս պետականության կայացման երաշխիք է։ Տրամաբանական է, որ, մասնավորապես հայագիտական առարկաների դասավանդումը կրթական բոլոր աստիճաններում հանդիսանում է այդ երաշխիքներից մեկը, եթե ոչ հիմնականը:
Չպետք է մոռանալ, որ ազգային որակյալ պատմական կրթությունը բնորոշում է որպես մարդկային, քաղաքացիական, քաղաքական, տնտեսական ու մշակութային իրավունքների իրականացման հիմնարար պայման, որի շնորհիվ էլ ներկայումս այն համարվում է ազգի մտավոր զարգացման գլխավոր գործոնն ու նրա ինքնության պահպանման երաշխիքը, հատկապես՝ իր մրցունակության ապահովման առումով: Ազգային պատմությունն, նպաստում է սեփական երկրում ժողովրդավարության զարգացմանն ու հասարակության համախմբմանը, շնորհիվ այն բանի, որ ձևավորում և դաստիարակում է հայրենի երկրի և հայ ժողովրդի պատմական զարգացման ընթացքին լավ իրազեկված քաղաքացիներ, որոնց այլևս հնարավոր չէ հիմարացնել ամբոխավարությամբ և լոզունգներով:

Չպետք է մոռանալ նաև, որ 1990-ական թթ. ընթացքում Եվրոպայի հարավ-արևելքում՝ նախկին Հարավսլավիայի հանրապետությունների միջև, Ալբանիայի և Սերբիայի միջև, ռուսների և չեչենների միջև, Հայաստանի և Վրաստանի, և ամենաարդիականը` Հայաստանի և Ադրբեջանի միջև Արցախի շուրջ ծագած հակամարտությունները ի ցույց դրեցին՝ ազգային պատմության իմացության կարևորությունը և ամրապնդեցին այն գիտակցությունը, որ նրա դասավանդումը ոչ մի դեպքում չպետք է ծառայեցվի թշնամությունն և օտարատյացությունը խորացնելու նպատակով: Մյուս կողմից ցույց տվեցին ազգային պատմական գիտելիքի խոր իմացության կարևորությունը, որպեսզի հնարավոր լինի հաղթահարել հակառակորդ երկրում մյուսի նկատմամբ խթանվող թշնամությունն և օտարատյացությունը։

«Հասարակական համերաշխությունը, խաղաղությունը և ժողովրդավարությունը ենթադրում են անցյալի, ներկայի և ապագայի ընդհանուր տեսլական»: Այս պնդման հետ դժվար է չհամաձայնվել, ավելին, այս պնդման հետ կհամաձայնվեր պատմություն դասավանդող մասնագետների մեծ մասը, այդ թվում նրանք, ովքեր գտնում են, որ հայագիտական առարկաների դասավանդումն ունի կարևոր դեր ազգային ինքնության և ազգի հանդեպ հավատարմության հանրային զգացում ձևավորելու գործում: Այդպիսի ընդհանուր տեսլականը չի կարող պարտադրվել իշխանություն ունեցողների կողմից: Այն առաջանում է բազմամշակույթային մտածողության շնորհիվ, բայց ոչ երբեք պարտադրանքով, և ներառում է բոլոր ազգերի և ժողովրդների պատմության նույնիսկ մոռացության տրված մանրամասները:

Պետք է հստակ արձանագրենք այն իրողությունը, որ Հանրակրթության պետական չափորոշիչների փոփոխությունը իրական ու արդյունավետ չի լինի, եթե այն չներդաշնակվի ներքին պահանջների հետ։ Եվ վերջապես կրթական բարեփոխումների արդյունքը մեծապես կախված է այն բանից, թե ինչ են մտածում դասավանդողները։ Եվ ես, հանդիսանալով այդ դասավանդողներից մեկը, գտնում եմ, որ «Հայոց եկեղեցու պատմություն» առարկան պե՛տք է դասվանդվի դպրոցում. բարոյական չէ դպրոցի հիմնադիր՝ եկեղեցուն, դուրս նետել դպրոցից։

Արմինե Եփրիկյանի  ֆեյսբուքյան  էջից

Ի՞նչ գործ ուներ Մարիամ Փաշինյանը Հայկ Սարգսյանի հետ Սևանում. վարչապետը տեղյակ է եղել White Shorja լողափի հավաքույթից.«Իրավունք»

29.07.2020

Բոլոր ծախսերը վերցնել ինձ վրա․ Միայն մի բան եմ խնդրում՝ հուսահատվել պետք չէ, իրավիճակը բարդ է, բայց անելանելի չէ․ Գագիկ Ծառուկյան

29.07.2020

Ի՞նչ մութ խաղեր են խաղում վարչապետն ու Զարեհ Սինանյանը

31.07.2020

Թուրքիան զորք է մտցրել Նախիջևան․ հակառակորդի զորքերի և տեխնիկայի ցանկացած տեղաշարժ, ցանկացած ակտիվություն ռիսկային է

29.07.2020

Վաղարշապատի նախկին քաղաքապետ Կարեն Գրիգորյանին և համայնքապետարանի ենթակայությամբ գործող բյուջետային հիմնարկների մի քանի պաշտոնատար անձանց մեղադրանք է առաջադրվել

29.07.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով