Այսօր ՀՔԾ-ն խուլիգանության հոդվածով ապօրինի մեղադրանք առաջադրեց Արթուր Դանիելյանին՝ հայտնի միջադեպի հետ կապված.Նարեկ Մալյան

Սիրելի հետևորդներ, համակիրներ, ինտելեկտուալ մարդիկ, քանի որ իմ ֆեյսբուքյան պրոֆիլը արգելափակված է և ես ժամանակավոր չեմ կարող գրառում կատարել, ասելիքս կձևակերպեմ այստեղ։

Այսօր ՀՔԾ-ն խուլիգանության հոդվածով ապօրինի մեղադրանք առաջադրեց Արթուր Դանիելյանին՝ հայտնի միջադեպի հետ կապված։ Սա բացահայտ և ցինիկ քաղաքական հետապնդում է, հակաիրավական պրոցես, որը որևէ աղերս չունի իրավունքի և արդարադատության հետ։

Հետևեք մեզ Տելեգրամում՝ t.me/lurer4news

Նիկոլ Փաշինյանն այնքան վախեցած է, որ նույնիսկ միջադեպից ամիսներ անց, հանրային պահանջի առկայության պարագայում, մինչ օրս չի հրապարակվել այն տեսանյութը, որտեղ երևում է իրականությունը։ Այնինչ բոլորիդ պարզ է, որ, եթե այդ տեսանյութն ի օգուտ Ալեն Սիմոնյանի լիներ, հիմա արդեն ականջներդ մազոլ էին արել ինչպես ժամանակին հուզիչ տուշոնկաների և այլ գեղարվեստական տեսանյութերն էին:

Քաղաքական իշխանությունը լավ իմանալով Արթուրի սկզբունքային և չկոտրվող տեսակը՝ փորձում է քրեական գործ կարել նրա վրա մի բանի համար, ինչ ամեն օր անում է ՀՀ չափահաս քաղաքացիների ճնշող մեծամասնությունը` քաղցր խոսքերով հիշում է Ալեն Սիմոնյանին։
Դե ինչ, ի գործ, ի համախմբում: Ես և իմ ընկերները համախմբման և պայքարի մաստեր կլաս ենք ցույց տալու…

Նույնը կոչ եմ անում բոլոր հասարակական և քաղաքական ուժերին, անհատներին, ովքեր դեմ են այս ապօրինություններին և պատրաստ են պայքարել, համախմբվել և հայտարարությամբ հանդես գալ՝ աջակցելով Արթուր Դանիելյանին քաղաքական այս հետապնդումների ու հալածանքների ընթացքում:

Հետևեք մեզ Տելեգրամում՝ t.me/lurer4news

«ՎԵՏՕ » հասարակական-քաղաքական շարժման ղեկավար՝ Նարեկ Մալյան

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով