«Փաշինյանը հանձնարարել է ուժայիններին, որպեսզի փողոցում կանգնեցնեն և բիրտ ուժի կիրառմամբ բերման ենթարկեն Արթուր Վանեցյանին ուղեկցող թիկնապահներին».Արսեն Բաբայան

Արսեն  Բաբայանը ֆեյսբուքյան իր էջում գրում է․

«Ինչպես արդեն բոլորս գիտենք քաղաքական իշխանության կողմից քաղաքական հակառակորդների նկատմամբ սկսվել են քաղաքական բիրտ հետապնդումներ։

Հետևեք մեզ Տելեգրամում՝ t.me/lurer4news

Նիկոլ Փաշինյանն իրեն ենթարկվող ուժային կառույցներին անձամբ հանձնարարել է, որպեսզի հարուցեն քրեական գործեր, քննադատներին ենթարկեն ամենատարբեր ճնշումների, տանել ոստիկանության բաժիններում պահել, ստեղծել ամենատարբեր անհարմարությունները։

Քիչ առաջ տեղեկություն ստացա, որ Փաշինյանը հանձնարարել է ուժայիններին, որպեսզի փողոցում կանգնեցնեն եւ բիրտ ուժի կիրառմամբ բերման ենթարկեն «Հայրենիք» կուսակցության նախագահ Արթուր Վանեցյանին ուղեկցող թիկնապահներին։

Ուշադրություն, Նիկոլ Փաշինյանին տեղեկացնում եմ, որ այդպիսի որեւէ գործողություն լինելու է ակնհայտ ապօրինի այն պարզ պատճառով, որ Հայաստանի Հանրապետությունում գործում է «Մասնավոր պահնորդական գործունեության մասին» ՀՀ օրենքը, որն ամբողությամբ թույլատրում է ֆիզիկական անձանց (նրանց կողմից պայմանագրում նշված անձանց) կյանքի և առողջության պաշտպանության նպատակով թիկնապահական ծառայությունների մատուցումը։

Հետևեք մեզ Տելեգրամում՝ t.me/lurer4news

Արթուր Վանեցյանին համաձայն պայմանագրի այս պահին թիկնապահակական ծառայություն է մատուցում օրենսդրությամբ սահմանված կարգով ՀՀ ոստիկանապետի կողմից լիցենզավորված մասնավոր պահնորդական գործունեություն իրականացնող ընկերությունը։

Եթե այսքանից հետո բերման ենթարկելու որեւէ գործողություն իրականացվի այդ տղաների նկատմամբ, ապա այդ գործողության ապօրինության հետեւանքների ամբողջ պատասխանատվությունը կրելու է հենց ինքը, Փաշինյան Նիկոլը։

Հետո չասեք, թե չէի զգուշացրել»։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով