Երեխաները կվերածվեն քարոզչությա՞ն թիրախի, հոգեվորսությա՞ն, թե՞ հոգեպղծության․ Լիլիթ Գալստյան

Ըստ էության, ոչ մի օր առանց «անակնկալի» տրամաբանությունն ու ռեժիմը շարունակվում է․ առավոտյան ԻՔ-ական 79 պատգամավորներ՝ կողմ քվերակությամբ վավերացրին Լանզարոտի կոնվենցիան։ Այս մասին Ֆեյսբուքի իր էջում գրել է ԱԺ նախկին պատգամավոր, ՀՅԴ անդամ Լիլիթ Գալստյանը։

«Իրականում «Սեռական շահագործումից և սեռական բնույթի բռնություններից երեխաների պաշտպանության մասին» շատ բարեհունչ և քաղաքակիրթ ուղերձ պարունակող վերնագրով ԵԽ կոնվենցիան, այնուամենայնիվ, վտանգավոր է և վիճահարույց: Ինչպես և սպասելի էր՝ այս տարողունակ և հանրային բացառիկ շահերի և ազգային արժեքների առնչվող կոնվենցիան, վավերացվեց առանց հանրային քննարկումների, առանց մասնագիտական` մանկավարժական, իրավաբանական, հոգեբանական հանրույթի մոտեցումները հաշվի առնելու», գրել է Դաշնակցական գործիչը:

Ըստ Լիլիթ Գալստյանի՝  ինչպես ցանկացած կոնվենցիա, սա ևս լրջագույն իրավական փաստաթուղթ է, որին հաջորդելու են գործողություններ և միջոցառումներ․

«Այնպես որ հարգելի ծնողներ, պատրաստ եղեք, որ Կոնվենցիայի Կրթական և Կանխարգելիչ Միջամտության ծրագրերի քողի տակ ՏԱՐՐԱԿԱՆ և ՄԻՋՆԱԿԱՐԳ կրթություն ստացող ձեր երեխաները սեռական կրթություն կստանան, կներառվեն իրազեկման և լուսաբանման ծրագրերում, որոնք ըստ էության տարիքային այդ խմբի երեխաների համար դժվար է ասել՝ քարոզչությա՞ն թիրախի կվերածվեն, հոգեվորսությա՞ն, թե՞ հոգեպղծության: Գուցե այս մտավախությունները չունենայի, եթե մասնագիտական հանրույթը ներգրավված լիներ քննարկումների գործընթացում և բացահայտեր ռիսկերը, կամ փարատվեին իրավական անորոշութհունից բխող բոլոր հնարավոր հետևանքները»:

Երկրորդ դրվագն էլ առանձնապես չզարմացրեց, գրել է Լիլիթ Գալստյանը.

«ԻՔ-ական պատգամավոր Հ. Հովհաննիսյանը սեփական թիմի թրենդի մեջ է: Անդրադառնալով  այս օրերին Ցեղասպանություն ինստիտուտ-թանգարանին վերաբերող բազմաթիվ մտահոգիչ, մեր ազգային անվտանգությանն ու ազգային առաջնահերթություններին վերաբերող փաստերին ու մի շարք հրապարակումներին, փոխանակ հերքելու, լուսաբանելու կամ պարզապես մեղմելու մեր հանրային տագնապները, բառիս բուն իմաստով ասում է՝ այդքան մտահոգ եք Ինստիտուտի հարցերով, եկեք կառույցի ջրահեռացման խնդիրներով զբաղվեք…

Սա ասվում է ԱԺ ամբիոնից, ՄԻՊ-ի զեկույցի շրջանակներում, ատելության խոսքի և անհանդուրժողականության մթնոլորտը մեղմելու իբրև թե անկեղծ պոռթկումների համատեքստում»:

«Ի՞նչ ասել, ասել,  թե այս ցինիկությունը հակակրելի է, քիչ է, ասել թե՝ բա՞ պետությունն ու դուք ինչի՞ համար եք, շատ պարզունակ է (պիտի որ մինչ այս իմանայիք): Եթե կարծում եք Ցեղասպանության թանգարան-ինստիտուտի խնդիրը տեղավորելով ժեկ-ի ջրահեռացման տղայական կոնտեքսում, ճարպկորեն կխուսափեք պատասխանատվությունից, նշանակում է թերագնահատել ու ոտնակոխել շատ-շատերի զգացումները: Մինչ այդ կներեք, որ ձեզ՝ նվիրյալներիդ կտրում են պարգևավճար ստանալու սրբազան առաքելությունից… », գրել է նախկին պատգամավորը եւ կանխատեսել, որ «անակնկալները դեռ առջևում են, օրն առջևում է»։

«ԱԺ պատգամավոր Արփի Դավոյանն է հեղափոխությունից առաջ և հետո».Նարեկ Մալյան

17.05.2020

Դեղերդ խմիր, տուպիցա.Աննա Հովները՝Փաշինյանին

19.05.2020

Նոր կոռուպցիոն սխեմա՞. հայտնի եռյակը դիմակի բիզնես է սկսո՞ւմ Հայաստանում

17.05.2020

«Եթե տղամարդ լինեիր, կարող ա պահանջեի ներողություն խնդրել գռեհիկ բառապաշարիդ համար, բայց ավաղ».Անժելա Էլիբեկովան`Ստոյպա Սաֆարյանին

17.05.2020

«Նիկոլ Փաշինյան ա’յ` անանուն հոդվածագիր բավական է,սթափվեք». Գարիկ Ուրումյան

18.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով