Սպառված ղեկավարի վերջին ասուլիսը

Այսօր Նիկոլ Փաշինյանի կատարմամբ շուրջ 4 ժամ հանրությունը լսում էր հերթական 100 փաստի մասին բալլադը: Մի կողմ դնենք այն, որ պահը մեղմ ասած բոլորովին ճիշտ չէր ընտրված հերթական հեքիաթը պատմելու համար և նշենք, որ Փաշինյանը դարձյալ սկսեց անհասկանալի և իրականում ոչինչ չասող թվեր հրապարակելուց:
Թվերի աճպարարությունից հետո եկավ կուլմինացիան: Փաշինյանը անդրադարձավ բոլոր մանր-մունր հարցերին, հիշեց 2018 թվականի մայիսին կարագի գինը, որը 70 դրամով ավել էր, քան այսօր, նորից հիշեց ընձառյուծին, հանգամանալից ձևով անդրադարձավ Աննա Հակոբյանի տուգանվելուն և մի շարք այլ «արխիկարևոր» դրվագներին՝ դրանք ներկայացնելով որպես օրվա իշխանության ծանր աշխատանքի արդյունք և նվաճում:
Դարակազմիկ նվաճումները բոցաշունչ ներկայացնելուց հետո Վարչապետի աթոռին հայտնված Փաշինյանը հպանցիկ նշում է, որ այս տարի մենք ունենալու ենք 2 տոկոս տնտեսական աճի անկում: Այնպես ի միջի այլոց է դա ասում, որ կասկած է առաջանում, թե վարչապետը կամ չի հասկանում՝ ինչի մասին է խոսում, կամ հասկանում է, բայց փորձում է այդ ոչ այնքան հուսադրող փաստը ներկայացնել poker-face դեմքի արտահայտությամբ՝ հուսալով, որ ուրիշները չեն հասկանում, թե ինչի մասին է նա խոսում:
Փաշինյանն իր ասուլիսի ընթացքում շատ այլ անկարևոր թեմաների է անդրադարձել՝ փորձելով լղոզել Հայաստանում տիրող իրողության լրջությունը, երբ արտակարգ դրության պահպանման պայմաններում փաստացի չի գործում ոչ մի արտակարգ դրություն, և բոլորին պարզ է, որ ԱԴ-ի երկարացումը ձեռք է տալիս միայն օրվա իշխանությանը: Հատկանշական է, որ կարևոր թեմաներին նա դարձյալ գերադասում է կամ չանդրադառնալ, կամ անդրադառնամ իր մակերեսային դիլետանտական ոճի մեջ:
Մասնավորապես անհասկանալի էր մարտի 1-ի դեպքերի վերաբերյալ Փաշինյանի խոսքերը: Բոլորս հիշում ենք, որ նախկինում նա բազմիցս հայտարարել է, որ մարտի 1-ը բացահայտված է, իսկ այսօր ասում է, որ դեռ շատ չբացահայտված հարցեր կան և դեռ երկար ճանապարհ կա անցնելու: Առանձնահատուկ ուշադրության պետք է արժանացնել Փաշինյանի պատասխանը Միքայել Մինասյանի կողմից արված հայտարարություններին վերաբերող հարցին: Նախկինում Փաշինյանը անկասկած մի աշխարհացունց ճառ կասեր այն մասին, որ նախկինների հետ փողկապակցված շնաբարո դուրսպրծուկները ինչպես են ուզում սևացնել հեղափոխության լուսավոր առաջնորդին:
Բայց այսօր մենք տեսանք նյարդային ջղաձգումները հազիվ զսպող Փաշինյանին, որը զայրույթը հազին զսպելով ատամների արանքից արտաբերում է այն միտքը, որ Միքայել Մինասյանի հայտարարություններով պետք է զբաղվեն և զբաղվում են իրավապահ մարմինները: Ուշագրավ է նաև այն, որ կորոնավիրուսի տարածման վտանգը մաքսիմալ անլրջացրած և այն ծաղր ու ծիծաղի վերածած Փաշինյանն այսօր հայտարարեց, որ չի հիշում, որ կորոնավիրուսը պինցետով հատիկ-հատիկ հանելու կամ տնական արաղով ախտահանելու մասին որևէ բան ասած լինի:
Այս տրամաբանության մեջ տեղավորվում է նաև Փաշինյանի կողմից տարված անալոգիաները բարեփոխումների և խորովածի միջև: Բարեփոխումների լրջագույն թեման խորովածի հետ գռեհիկաբար համեմատելով՝ Փաշինյանն էլ ավելի խորացրեց իր ոչ ադեկվատ լինելու մասին հանրության կասկածները: Արցախի հիմնախնդրին անդրադառնալով՝ Փաշինյանը դարձյալ արտաբերում է «Արցախի ընտրված ներկայացուցիչներ» եզրույթը՝ պատահաբար կամ դիտավորությամբ բարեհաջող մոռանալով այն մասին, որ բոլորովին վերջերս Արցախում կայացել են ընտրություններ և ընտրվել է նախագահ և պարլամենտ:
Հիշեցնենք, որ ընտրված ներկայացուցիչների եզրույթը շրջանառության մեջ է դրել ինքը Փաշինյանը, ինչի արդյունքում այսօր Լեռնային Ղարաբաղի ադրբեջանական համայնքը ունի ընտրված ներկայացուցիչ, որն արդեն հասել է ԵԽԽՎ և այնտեղ լոբբինգ է անում ադրբեջանական շահերը: Մինչդեռ Փաշինյանն այսօր միանգամայն հանգիստ ընդունեց, որ երկու տարում չհաջողվեց Արցախը բերել բանակցությունների սեղան: Եվ դարձյալ սլաքներն ուղղեց նախկինների վրա՝ անամոթաբար շեշտելով, որ քսան տարուց ավել տարվել է այնպիսի քաղաքականություն, որպեսզի Արցախը չլինի բանակցությունների մասնակից:
Այսօրվա ասուլիսի հռետորաբանությունն ակնհայտորեն տարբերվում էր նախորդներից, այն այլևս չուներ այն էմոցիոնալ ֆոնը, որը մշտապես ուղեկցում էր Փաշինյանի նախորդ 100 փաստերը:
Եզրափակելով արձանագրենք, որ այսօրվա ասուլիսը աչքի էր ընկնում նաև ուղիղ եթերի դիտումների ռեկորդային ցածր թվով: Թեպետ ուղիղ եթերի ավարտից հետո դիտումների թիվը աճեց, բայց վարչապետին ուղիղ եթերում կենդանի տեսնելու բերկրանքը վայելողների շատ փոքր թիվը բացահայտ ցույց է տալիս, որ Փաշինյանն այլևս մերժված է նույնիսկ սեփական ավանդական լսարանի կողմից, նա սպառված ղեկավար է, որն այսօր ունեցավ իր վերջին ասուլիսը:

Նատալյա  Սաղիյան

«Քրեական գործ է հարուցվել պոռնոտեսանյութերի արտադրությամբ և տարածմամբ զբաղվող տրանսվեստիտի կողմից մանկապարտեզներ այցելելու մասին ԱԱԾ ուղարկված իմ դիմումի կապակցությամբ».Նարեկ Մալյան

26.05.2020

Երևանում օրգազմի մասին պատմող գրքեր են բաժանել երեխաներին

25.05.2020

«Ստիպված եմ հերթական անգամ հիասթափեցնել Ռուբեն Հայրապետյանին մեղավոր կարգողներին…».Ամրամ Մակինյան

22.05.2020

«Հիմա, էդ դիմակը դրած լայվ ես մտնում, որ ի՞նչ ապացուցես՝ որ ո՞ւղտ չես․․․».Մարգարիտ Եսայանը՝ Փաշինյանին

25.05.2020

Վաղ առավոտյան սպեցնազն անցել է գործի. Սյունիքում տեղի են ունենում զանգվածային ձերբակալություններ.«Փաստինֆո»

24.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով