Մայիսի 11-ին, ժամը 12:24-ին Ճգնաժամային կառավարման ազգային կենտրոն ահազանգ է ստացվել, որ Երևանի Դավիթաշեն կամրջի վրա կասկածելի վարքագծով քաղաքացի կա։ Այս մասին հայտնում են ԱԻՆ տեղեկատվության և հասարակայնության հետ կապերի վարչությունից:
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և հոգեբանական աջակցության բաժնի հրահանգիչը։
Հետևեք մեզ Տելեգրամում՝ t.me/lurer4news
Պարզվել է, որ Վահե Օ․-ն (ծնված 1986 թ․) ինքնասպանություն գործելու մտադրություն չի ունեցել, զբոսնելիս է եղել կամրջի վրա, սակայն ունի հոգեբանի խորհրդատվության կարիք։
Հոգեբանական աջակցության բաժնի հրահանգիչը Վահե Օ․-ին տեղում ցուցաբերել է հոգեբանական աջակցություն։
