Ավելորդ քաշից ազատվելն այդքան էլ հեշտ չէ՝ հատկապես, եթե այն բավական մեծ է: Այնուամենայնիվ՝ ճիշտ սննդակարգի ու ֆիզիկական ծանրաբեռնվածության դեպքում կարելի է ընդամենը 4 ամսում ազատվել նույնիսկ 25 կգ ավելորդ քաշից: Այս կերպ կարելի է կորցնել ամսական 5, իսկ շաբաթական 1,5 կգ ավելորդ քաշ: Պարզապես հարկավոր է լինել համբերատար, չծուլանալ և հետևել ստորև բերված բոլոր խորհուրդներին:
Ճիշտ սննդակարգ
Քայլ 1-ին
Առաջին հերթին հարկավոր է սկսել առողջարար սնունդ օգտագործել, խուսափել վերամշակում անցած սննդամթերքից, ածխաջրերից ու քաղցրավենիքից և նախապատվությունը տալ մրգերին, բանջարեղենին ու անյուղ սպիտակուցներին:
Քայլ 2-րդ
Ոչ մի դեպքում չի կարելի չափից շատ ուտել՝ նույնիսկ, եթե ամենահամեղ մթերքն է: Մեկ չափաբաժինը պետք է լինի բանջարեղենով ափսեի կեսը: Նման սնունդը և՛ օգտակար է, և՛ չի պարունակում մեծ քանակությամբ կալորիաներ: Չի կարելի ուտել կես բաժակ ամբողջական հացահատիկից ու 85 գրամ անյուղ սպիտակուցից (կավի կրծքամիս, սպիտակ ձուկ) ավել: միայն այս կերպ հնարավորի կլինի 4 ամսում ազատվել 25 կգ ավելորդ քաշից:
Քայլ 3-րդ
Սննդակարգում պետք է ներառված լինեն առողջարար ճարպեր, որոնք չեն խոչընդոտի քաշի կորստին: Կարելի է ուտեստներին ավելացնել մեկ թեյի գդալ ձիթայուղ, կոկոսյան ընկույզի յուղ, մեկ ճաշի գդալ չիայի կամ կտավատի սերմերի յուղ, ¼ ավոկադո և այլն: Կարելի է նաև օրվա ընթացքում ընկուզեղեն ուտել:
Քայլ 4-րդ
Պետք է բացառել գազավորված ըմպելիքները, ալկոհոլը, «բնական» հյութերը և քաղցր սուրճը:
Մարզումներ
Քայլ 1-ին
Անհրաժեշտ է մարզվելիս այրել 500 կալորիա: Սննդից ստացված 750-1000 կալորիայի դեպքում սա թույլ կտա աստիճանաբար ազատվել ավելորդ քաշից:
Քայլ 2-րդ
Հարկավոր է ուշադրություն դարձնել կարդիոմարզումներին, որոնք ամենից շատն են այրում կալորիաները: Վնասվածքներից խուսափելու համար անհրաժեշտ է աստիճանաբար բարձրացնել մարզումների ինտենսիվությունը: Շաբաթական երեք անգամ հարկավոր է 30-45 րոպե քայլել, իսկ այնուհետև մեծացնել և՛ հաճախականությունը, և՛ տևողությունը: Մի քանի ամիս անց կարելի է սկսել լողով զբաղվել, հեծանիվ վարել և գնալ ֆիթնես-մարզումների:
Քայլ 3-րդ
Ֆիթնես մարզումների ժամանակ կարելի է սկսել ինտերվալային մարզումներից, որոնց դեպքում ինտենսիվ մարզումների միջև դադարներ են արվում, ինչը հիանալի արդյունք է տալիս: Կարելի է սկզբում «տաքացնել» մկանները, այնուհետև 2 րոպե վազել կամ քայլել 20-30 րոպե ինտենսիվ մարզումների փոխարեն: Մարզանքի այդ ձև շատ արդյունավետ է ավելորդ քաշից ազատվելու հարցում:
Քայլ 4-րդ
Մի քանի շաբաթ անց մարզումներին կարելի է ավելացնել նաև քաշային վարժություններ, ինչը կօգնի էլ ավելի շատ էներգիա այրել: Այս վարժությունները կարելի է կատարել նաև տնային պայմաններում: շաբաթական երկու անգամ հարկավոր է մարզել բոլոր խոշոր մկանային խմբերը և կրկնել վարժությունները 8-12 անգամ: Կարելի է կատարել հրում, հրում-ձգում ու կքանիստ վարժությունները: Մի փոքր անց կարելի է կիրառել նաև մարզագնդեր կամ այլ մարզասարքեր:
Քայլ 5-րդ
Հարկ է նաև հիշել, որ նստակյաց ապրելակերպը բացասաբար է ազդում կազմվածքի վրա, ուստի՝ անհրաժեշտ է խուսափել երկար նստելուց և ավելի ակտիվ լինել: Երկարատև զբոսանքը, վազքը, մաքուր օդը և տունը նույնպես շատ կարևոր են: Կարելի է նաև հաճախ պարել կամ որևէ այլ զբաղմունք գտնել, որը կօգնի անընդհատ ակտիվ լինել:
