Հրանտ Մելիք-Շահնազարյանը ֆեյսբուքյան իր էջում գրում է.
«Վարչապետ Նիկոլ Փաշինյանն այսօր հայտարարեց, որ երկկողմանի պոլիսեգմենտալ ձուլվող թոքաբորբից 68-ամյա քաղաքացի է մահացել, «որը ենթադրաբար կորոնավիրուսի հետևանք է»։ Շեշտում եմ՝ վարչապետն ասաց ԵՆԹԱԴՐԱԲԱՐ։
Իսկ որտե՞ղ մնաց, այդ դեպքում, օրինակ, մարտի 27-ին միակողմանի թոքաբորբի ախտորոշմամբ մահացած 59-ամյա կինը։ Կամ ապրիլի 1-ին հիսուն տարեկանում կրկին թոքաբորբից մահացած օպերային երգչուհի Աննա Սարդարյանը։ Կամ՝ ամենաառաջինը մահացած այն կինը, որ սկզբից հայտարարեցի, թե սրտամկանի ինֆարկտից է մահացել, այլ ոչ թե թոքաբորբից, հետո պարզվեց, որ ամուսնու ու տղայի կորոնավիրուսի թեստը դրական էր: Հիշո՞ւմ եք այդ դեպքի մասին Երևանի գլխավոր ախտաբան, ախտաբանների հայկական ասոցացիայի նախագահ Արմեն Մխիթարյանն է բարձրաձայնել:
Հիմա հարց՝ բոլոր այս ու նմանատիպ դեպքերի մասին ՀՀ իշխանությունները ոչ մի ԵՆԹԱԴՐՈՒԹՅՈՒՆ չունե՞ն։ Սա ի՞նչ ջոկողական վիճակագրություն է, չեմ հասկանում։
Ի դեպ, ասեմ, որ Փաստահավաք խմբին, որի անդամ եմ նաև ես, այսպիսի և այլ տեսակի կասկածներ առաջացնող բազում դեպքեր են հայտնի դառնում անընդհատ։ Վստահեցնում եմ, որ հիվանդության հաղթահարումից հետո բոլոր այս փաստերն անպայման կհրապարակվեն և լուրջ քննության առիթ դառնան։ Չկասկածեք»։
