Հեռավար ուսուցմանն աշակերտական համակազմի դեռևս 80 տոկոս մասնակցություն կա. ԿԳՄՍ փոխնախարար

Այս պահին ուսուցիչների և աշակերտների՝ հեռավար ուսուցման գործընթացում առավել մեծ ներգրավվածություն ապահովելու համար անհրաժեշտ է մոտ 24.000 սարք. ասուլիսի ժամանակ ասաց Կրթության, գիտության, մշակույթի և սպորտի նախարարի տեղակալ Ժաննա Անդրեասյանը: Նրա խոսքով՝ սրանք շատ հապշտապ հավաքված տվյալներ են, և նախարարությունը հիմա էլ ստանում է նման դիմումներ:

«Մարտի 29-ից Խաչիկ Դաշտենցի անվան թիվ 114 դպրոցում սկսել ենք սարքերի հավաքագրում: Շուրջ 600 սարքավորում ենք հավաքել՝ համակարգիչներ, պլանշետներ, հեռախոսներ: Դրանց մեծ մասը տրամադրել ենք մարզերին: 56-ական ամբողջությամբ նոր պլանշետներ տրամադրել ենք Լոռու, Կոտայքի, Գեղարքունիքի, Արմավիրի, Սյունիքի, Վայոց ձորի մարզերին: Արագածոտնին տրամադրվել է 81 սարքավորում, որի մի մասը պլանշետներ են, մյուս մասը՝ համակարգիչներ, նոութբուքեր: Տավուշի մարզին սարքավորումներ ևս տրվել են: Ուղիղ համագործակցություններ եղել են մարզերի և տարբեր կազմակերպությունների ու կառույցների միջև, օրինակ, ԱԺ-ից Տավուշին է տրամադրվել 85 սարքավորում, «Յուքոմ»-ն էլ Կոտայքին է հավելյալ տեխնիկա տրամադրել: Միջազգային կազմակերպությունների հետ ևս համագործակցություն կա, նրանց կողմից մի քանի հարյուր տեխնիկա կտրամադրվի»,- ասաց Ժաննա Անդրեասյանը:

ԿԳՄՍ նախարարի տեղակալը հիշեցրեց, որ Հանրային հեռուստաընկերության եթերում ժամը 8:30 և 11:30-12:40-ը ցուցադրում են հանրային դասեր, ոչ միայն աշակերտների, այլև հետաքրքրվողների ընդհանուր զարգացածության համար: Անդրեասյանի խոսքով՝ կա նաև համագործակցություն մարզային հեռուստաընկերությունների հետ: Լրատվականներից մեկի հարցին ի պատասխան, թե քանի՞ ուսուցիչ է վարակված կորոնավիրուսով, Ժաննա Անդրեասյանը պատասխանեց, որ այդպիսի առանձին վիճակագրություն ԿԳՄՍՆ-ն չի վարում: Ինչ վերաբերում է վերջին զանգի միջոցառումների կազմակերպմանն ու ավարտական քննություններին, ԿԳՄՍ նախարարի տեղակալն ասաց.

«Վերջին զանգի միջոցառումների մասին քննարկում ենք: Լավատեսական մոտեցումն այն է, որ կկարողանանք ունենալ որոշակի գործընթաց, բայց պատրաստ ենք նաև այլ սցենարների: Քննարկում ենք նաև ավարտական քննությունների հարցը, քանի որ յուրաքանչյուր որոշման համար հարկավոր է ռազմավարություն»:

Հավաքագրվել են նաև արտերկրում սովորող հայ ուսանողների տվյալները, որոնք ուղարկվել  են Արտաքին գործերի նախարարություն: Ժաննա Անդրեասյանը նրանց կոչ արեց կապ պահպանել տեղի դեսպանությունների հետ: Անհրաժեշտության դեպքում կլուծվեն նաև երկիր վերադարձի հարցերը:

«Քրեական գործ է հարուցվել պոռնոտեսանյութերի արտադրությամբ և տարածմամբ զբաղվող տրանսվեստիտի կողմից մանկապարտեզներ այցելելու մասին ԱԱԾ ուղարկված իմ դիմումի կապակցությամբ».Նարեկ Մալյան

26.05.2020

Երևանում օրգազմի մասին պատմող գրքեր են բաժանել երեխաներին

25.05.2020

«Ստիպված եմ հերթական անգամ հիասթափեցնել Ռուբեն Հայրապետյանին մեղավոր կարգողներին…».Ամրամ Մակինյան

22.05.2020

«Հիմա, էդ դիմակը դրած լայվ ես մտնում, որ ի՞նչ ապացուցես՝ որ ո՞ւղտ չես․․․».Մարգարիտ Եսայանը՝ Փաշինյանին

25.05.2020

Վաղ առավոտյան սպեցնազն անցել է գործի. Սյունիքում տեղի են ունենում զանգվածային ձերբակալություններ.«Փաստինֆո»

24.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով